Жамбыл облысында жер сілкінісі болды, деп хабарлайды "Адырна" ұлттық порталы.
ҚР Төтенше жағдайлар министрлігіне қарасты «Сейсмологиялық зерттеу институты» ЖШС-нің сейсмикалық станциялар желісі 25 мамыр күні Астана уақытымен 15:08-де жер сілкінісін тіркеді.
Жерасты дүмпуі Алматы қаласынан оңтүстік-батысқа қарай 338 шақырым қашықтықта, Қазақстан аумағында орын алған. Жер сілкінісі Құлан ауылында – 3 балл, Меркі ауылында – 2 балл болып сезілген.
Алдын ала мәлімет бойынша, зардап шеккендер мен қираулар туралы ақпарат түскен жоқ.
