«Барыс» Құрлықтық хоккей лигасының плей-офф кезеңінде ойнаудан бас тартты. Бұл туралы клубтың ресми сайтында хабарланды.
«Президент Қасым-Жомарт Тоқаевтың 2020 жылдың 16 наурызынан бастап Қазақстан аумағында төтенше жағдай енгізу туралы жарлығына және спорттық шараларды өткізуге тыйым салуына сәйкес, «Барыс» командасы Қазақстан Республикасы аумағында Құрлықтық хоккей лигасының плей-офф кезеңіндегі матчтарын өткізе алмайды», - делінген ресми хабарламада.
Осы жағдайға байланысты, «Барыс» клубы 2019-2020 жылдарға арналған Гагарин кубогына қатысудан бас тартады.
Естеріңізге сала кетейік, 14 наурыз күні фин командасы «Йокерит» те КХЛ ойындарына қатысудан ресми түрде бас тартқан еді.
Adyrna.kz ұлттық порталының маңызды ақпараттарына жазылу
Соңғы жаңалықтар туралы хабардар болыңыз