Алматы облысында ата-анасы баласына қойған АИТВ диагнозын мойындамай, емделуден бас тартқан. Салдарынан 9 жасар бала қайтыс болған, деп хабарлайды “Адырна” ұлттық порталы ЖИТС-тың алдын алу және оған қарсы күрес орталығына сілтеме жасай отырып.
Белгілі болғандай, 2016 жылы бала ЖИТС орталығында тіркелген, алайда бұл отбасы қажетті медициналық шараларды қабылдамаған.
Дәрігерлердің мәліметінше, ата-ана балаға қойылған АИТВ-инфекциясын мойындамай, дәрігерлердің нұсқаулықтарын сақтап, тиісті шаралар қолданбаған. Сонымен қатар ата-анасының баланың ауруын жасырғысы келгені де айтылды.
Ал өткен жылдың қараша айында тиісті органдар мен дәрігерлер баланы отбасынан уақытша алып кету үшін комиссия құрған, бірақ ата-анасының үзілді-кесілді бас тартуына байланысты бұл әрекет жүзеге аспаған.
Баланың жағдайы 2024 жылдың 9 қаңтарында күрт нашарлап, реанимацияға жатқызылды. Ал 27 қаңтарда бала ауыр иммун тапшылығының әсерінен сепсис пен пневмониядан қайтыс болды.
“Адырна” ұлттық порталы
Ұқсас жаңалықтар
