الماتى وبلىسىندا اتا-اناسى بالاسىنا قويعان ايتۆ دياگنوزىن مويىنداماي، ەمدەلۋدەن باس تارتقان. سالدارىنان 9 جاسار بالا قايتىس بولعان، دەپ حابارلايدى “ادىرنا” ۇلتتىق پورتالى جيتس-تىڭ الدىن الۋ جانە وعان قارسى كۇرەس ورتالىعىنا سىلتەمە جاساي وتىرىپ.
بەلگىلى بولعانداي، 2016 جىلى بالا جيتس ورتالىعىندا تىركەلگەن، الايدا بۇل وتباسى قاجەتتى مەديتسينالىق شارالاردى قابىلداماعان.
دارىگەرلەردىڭ مالىمەتىنشە، اتا-انا بالاعا قويىلعان ايتۆ-ينفەكتسياسىن مويىنداماي، دارىگەرلەردىڭ نۇسقاۋلىقتارىن ساقتاپ، ءتيىستى شارالار قولدانباعان. سونىمەن قاتار اتا-اناسىنىڭ بالانىڭ اۋرۋىن جاسىرعىسى كەلگەنى دە ايتىلدى.
ال وتكەن جىلدىڭ قاراشا ايىندا ءتيىستى ورگاندار مەن دارىگەرلەر بالانى وتباسىنان ۋاقىتشا الىپ كەتۋ ءۇشىن كوميسسيا قۇرعان، بىراق اتا-اناسىنىڭ ءۇزىلدى-كەسىلدى باس تارتۋىنا بايلانىستى بۇل ارەكەت جۇزەگە اسپاعان.
بالانىڭ جاعدايى 2024 جىلدىڭ 9 قاڭتارىندا كۇرت ناشارلاپ، رەانيماتسياعا جاتقىزىلدى. ال 27 قاڭتاردا بالا اۋىر يممۋن تاپشىلىعىنىڭ اسەرىنەن سەپسيس پەن پنەۆمونيادان قايتىس بولدى.
“ادىرنا” ۇلتتىق پورتالى
