الماتىداعى اتىس: مەرت بولعان پوليتسەيلەردىڭ وتباسىنا ءۇي بەرىلەدى

2856
Adyrna.kz Telegram

قازاقستان ىشكى ىستەر ءمينيسترى ەرلان تۇرعىمباەۆتىڭ تاپسىرماسى بويىنشا ءمينيستردىڭ ورىنباسارى مۇرات بايمۇقاشەۆ قازا بولعان پوليتسيا قىزمەتكەرلەرى دارحان سۇلەەۆ پەن نۇربول بايعازيەۆتىڭ وتباسىلارىنا باردى، دەپ حابارلايدى "ادىرنا" ۇلتتىق پورتالىنىڭ ءتىلشىسى Polisia.kz سايتىنا سىلتەمە جاساپ.

ءىىم باسشىلىعى، ىشكى ىستەر ورگاندارىنىڭ جەكە قۇرامى اتىنان قىزمەتتىك مىندەتىن ورىنداۋ كەزىندە قازا تاپقان پوليتسيا قىزمەتكەرلەرىنىڭ تۋىستارى مەن جاقىندارىنا كوڭىل ايتتى.

 

- ىشكى ىستەر ءمينيسترىنىڭ قولداۋ حاتى بويىنشا الماتى قالاسىنىڭ اكىمدىگى قازا تاپقان پوليتسيا قىزمەتكەرلەرىنىڭ وتباسىنا تۇرعىن ءۇي بەرەدى. سونىمەن قاتار، ىشكى ىستەر ءمينيسترىنىڭ بۇيرىعى بويىنشا ءتارتىپ پەن زاڭدىلىقتى سوڭىنا دەيىن كۇزەتكەن ۋچاسكەلىك ينسپەكتورلار "قۇقىق ءتارتىبىن قامتاماسىز ەتۋگە كوسقان ۇلەسى ءۇشىن" مەدالدارىمەن ماراپاتتالدى، - دەلىنگەن حابارلامادا.

الاتاۋ اۋداندىق پب جپقب ۋچاسكەلىك ينسپەكتورى، پوليتسيا مايورى سۇلەەۆ دارحان داۋىلبايۇلى، 1982 جىلى تۋعان، قر ءىىم الماتى اكادەمياسىنىڭ ماگيستراتۋراسىن بىتىرگەننەن كەيىن 2003 جىلدان باستاپ ىشكى ىستەر ورگاندارىندا قىزمەت ەتتى. 2021 جىلدىڭ تامىزىندا ۋچاسكەلىك ينسپەكتور لاۋازىمىنا تاعايىندالعان ەدى. ءىىو قىزمەت ەتكەن جىلدار ىشىندە ول 6 ماراپاتقا يە بولدى، ونىڭ ىشىندە "ىشكى ىستەر ورگاندارىنداعى ءمىنسىز قىزمەتى ءۇشىن" 3-دارەجەلى مەدالىمەن، سونداي-اق "قازاقستان پوليتسياسىنا 25 جىل" توسبەلگىسىمەن ماراپاتتالدى. ۇيلەنگەن، كامەلەتكە تولماعان بەس بالاسى بار.

الاتاۋ اۋداندىق پب جپقب ۋچاسكەلىك ينسپەكتورى، پوليتسيا كاپيتانى بايعازيەۆ نۇربول نازاربايۇلى، 1988 جىلى تۋعان، ىشكى ىستەر ورگاندارىندا 2014 جىلدان بەرى قىزمەت ەتكەن. ول 13 ماراپاتقا يە بولدى، ونىڭ ىشىندە "ۇزدىك قۇتقارۋشى جاۋىنگەر" جانە "قازاقستان پوليتسياسىنا 25 جىل" توسبەلگىلەرىمەن ماراپاتتالدى. ۇيلەنگەن، كامەلەتكە تولماعان ەكى بالاسى بار.

"ادىرنا" ۇلتتىق پورتالى

پىكىرلەر