الماتى ماڭىنداعى تاۋلاردا جوعالىپ كەتكەن ستۋدەنت ءولى تابىلدى. بۇل تۋرالى Lider.kz ەرىكتىلەرى مالىمدەدى، دەپ حابارلايدى “ادىرنا.
«قازا تاپقان.تابىلدى. تۋىستارى مەن جاقىندارىنا كوڭىل ايتامىز»، - دەلىنگەن ەرىكتىلەردىڭ حابارلاماسىندا.
الماتى قالاسى پوليتسيا دەپارتامەنتىنىڭ ءباسپاسوز قىزمەتى جوعالىپ كەتكەن جاس جىگىتتىڭ قازا تاپقانىن راستادى.
«دەنەسىندە زورلىق-زومبىلىق بەلگىلەرى تابىلمادى. سوت-مەديتسينالىق ساراپتاما تاعايىندالدى. وقيعانىڭ ءمان-جايى انىقتالىپ جاتىر»، - دەپ حابارلادى الماتى پوليتسيا دەپارتامەنتىنىڭ ءباسپاسوز قىزمەتى.
ەسكە سالا كەتەيىك، 18 جاستاعى اقىلبەك نۇريسلام 2 شىلدەدە جوعالىپ كەتكەن ەدى. تۋىستارىنىڭ ايتۋىنشا، ول تاۋعا كەتكەن. سوڭعى رەت ونىڭ تەلەفونى ۇلكەن الماتى شاتقالىندا تىركەلگەن. ىزدەۋ جۇمىستارىنا 40-تان استام ادام قاتىسقان: الماتىنىڭ قۇتقارۋ قىزمەتىنىڭ (109) ماماندارى، رەسپۋبليكالىق جەدەل-قۇتقارۋ جاساعى، تجد، شەكارا قىزمەتى، پوليتسيا جانە ەرىكتىلەر. سونداي-اق، ىزدەۋ جۇمىستارىنا اۆياتسيا، كينولوگتار مەن دروندار دا جۇمىلدىرىلعان.
