شىلدە ايىندا استانا جانە الماتى قالالارىندا ۇلتتىق قاۋىپسىزدىك كوميتەتى پوليتسيامەن ءوزارا ارەكەتتە جانە پروكۋراتۋرا ورگاندارىنىڭ ۇيلەستىرۋىمەن 3 ءىرى ەسىرتكى زەرتحاناسىنىڭ ارەكەتىن جويدى. بۇل تۋرالى ۇلتتىق قاۋىپسىدىك كوميتەتى مالىمدەدى، دەپ حابارلايدى “ادىرنا” ۇلتتىق پورتالى.
مالىمەتكە سايكەس، اتالعان قىلمىستار جاسادى دەگەن كۇدىك بويىنشا قازاقستاننىڭ 8 ازاماتى ۇستالىپ، سوتتىڭ سانكتسياسىمەن قاماۋعا الىندى.
“وسى قىلمىستى جاسادى دەگەن كۇدىكپەن 8 قازاقستاندىق ۇستالىپ، سوتتىڭ سانكتسياسىمەن قاماۋعا الىندى. ءتىنتۋ كەزىندە ولاردان 93 كەلىدەن اسا سينتەتيكالىق ەسىرتكى، كريستالدانۋ ساتىسىنداعى 70 ليتر مەفەدرون، سونداي-اق 255 كەلى پرەكۋرسور مەن زەرتحانالىق جابدىقتار الىندى،- دەلىنگەن ۇقك حابارلاماسىندا
«قارا» نارىقتا تاركىلەنگەن ەسىرتكىنىڭ قۇنى 2 ملرد تەڭگەدەن ارتىقتى قۇراۋى مۇمكىن.
قىلمىستىق كودەكستىڭ 297-بابى بويىنشا سوتقا دەيىنگى تەرگەۋ جۇرگىزىلۋدە.
قىلمىستىق-پروتسەستىك كودەكستىڭ 201-بابىنىڭ 1-بولىگىنە سايكەس وزگە دە اقپارات جاريا ەتىلۋگە جاتپايدى.
ۇقساس جاڭالىقتار
