ايەلىن ۇرىپ ءولتىردى دەپ ايىپتالعان قۋاندىق بيشىمباەۆتىڭ ءىسى سوتقا جولداندى، دەپ حابارلايدى “ادىرنا” پورتالى.
بۇل اقپاراتتى جابىرلەنۋشى تاراپتىڭ ادۆوكاتى جاننا مۇحامادي مالىمدەدى.
ادۆوكاتتىڭ ايتۋىنشا ءىستى استانا قالاسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتى قاراماق.
وسى تۇستا استانا قالالىق سوتى دا قوس كۇدىكتى ق.بيشىمباەۆ پەن ب.بايجانوۆقا قاتىستى قىلمىستىق ءىس كەلىپ تۇسكەنىن راستاعان.
سالتانات نۇكەنوۆانىڭ “ولىمىنە قاتىسى بار” دەپ كۇدىككە ىلىنگەن بيشىمباەۆقا قك-ءنىڭ 99-بابى 2-بولىگىنىڭ 5-تارماعى، ادام ءولتىرۋ، باسقا ادامعا قاتىستى قۇقىققا قارسى قاساقانا اسا قاتىگەزدىكپەن جاسالعان ادام ءولتىرۋ، قك-ءنىڭ 110-بابى 2-بولىگىنىڭ 1-تارماعى بويىنشا كiنالi ادامعا ماتەريالدىق جاعىنان تاۋەلدi ادامعا قاتىستى جۇيەلى تۇردە ۇرىپ-سوعۋ نەمەسە وزگە دە زورلىق-زومبىلىق ارەكەتتەرى ارقىلى فيزيكالىق جانە پسيحيكالىق قيناۋ فاكتىسى بويىنشا ايىپ تاعىلىپ وتىر.
ال ەكىنشى كۇدىكتى بايجانوۆ قك-ءنىڭ 432-بابى، اسا اۋىر قىلمىستى كۇنى بۇرىن ۋادەلەسپەي جاسىرىپ قالۋ جانە قك-ءنىڭ 434-بابى، بەلگىلى اسا اۋىر قىلمىس جاساعانى تۋرالى حابارلاماۋ فاكتىسى بويىنشا ايىپتالۋدا.
ەكس-ءمينيستردىڭ ءىسىن استانا قالاسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىنىڭ توراعاسى، سۋديا ايجان قۇلباەۆا جۇرگىزەتىنى ءمالىم بولدى.
توراعا بۇل قىزمەتكە پرەزيدەنتتىڭ 2022 جىلعى 28 جەلتوقسانداعى جارلىعىمەن تاعايىندالعان.
ەسكە سالا كەتەيىك، 3 اي بۇرىن قۋاندىق بيشىمباەۆ ءوزىنىڭ ايەلى سالتانات نۇكەنوۆانى «قاتىگەزدىكپەن ءولتىردى» دەگەن كۇدىكپەن قامالعان ەدى. قايعىلى وقيعا 2023 جىلى 9 قاراشا كۇنى ەلورداداعى BAU مەيرامحاناسىندا بولعان.
