Äielın ūryp öltırdı dep aiyptalǧan Quandyq Bişımbaevtyŋ ısı sotqa joldandy, dep habarlaidy “Adyrna” portaly.
Būl aqparatty jäbırlenuşı taraptyŋ advokaty Janna Mūhamadi mälımdedı.
Advokattyŋ aituynşa ıstı Astana qalasynyŋ qylmystyq ıster jönındegı mamandandyrylǧan audanaralyq soty qaramaq.
Osy tūsta Astana qalalyq soty da qos küdıktı Q.Bişımbaev pen B.Baijanovqa qatysty qylmystyq ıs kelıp tüskenın rastaǧan.
Saltanat Nükenovanyŋ “ölımıne qatysy bar” dep küdıkke ılıngen Bişımbaevqa QK-nıŋ 99-baby 2-bölıgınıŋ 5-tarmaǧy, adam öltıru, basqa adamǧa qatysty qūqyqqa qarsy qasaqana asa qatygezdıkpen jasalǧan adam öltıru, QK-nıŋ 110-baby 2-bölıgınıŋ 1-tarmaǧy boiynşa kinäli adamǧa materialdyq jaǧynan täueldi adamǧa qatysty jüielı türde ūryp-soǧu nemese özge de zorlyq-zombylyq äreketterı arqyly fizikalyq jäne psihikalyq qinau faktısı boiynşa aiyp taǧylyp otyr.
Al ekınşı küdıktı Baijanov QK-nıŋ 432-baby, asa auyr qylmysty künı būryn uädelespei jasyryp qalu jäne QK-nıŋ 434-baby, belgılı asa auyr qylmys jasaǧany turaly habarlamau faktısı boiynşa aiyptaluda.
Eks-ministrdıŋ ısın Astana qalasynyŋ qylmystyq ıster jönındegı mamandandyrylǧan audanaralyq sotynyŋ töraǧasy, sudia Aijan Qūlbaeva jürgızetını mälım boldy.
Töraǧa būl qyzmetke Prezidenttıŋ 2022 jylǧy 28 jeltoqsandaǧy Jarlyǧymen taǧaiyndalǧan.
Eske sala keteiık, 3 ai būryn Quandyq Bişımbaev özınıŋ äielı Saltanat Nükenovany «qatıgezdıkpen öltırdı» degen küdıkpen qamalǧan edı. Qaiǧyly oqiǧa 2023 jyly 9 qaraşa künı elordadaǧy BAU meiramhanasynda bolǧan.
Ūqsas jaŋalyqtar
