بۇگىن، 9 قاراشا الماتى قالاسى ناۋرىزباي اۋدانىنداعى بالالار ءۇيىنىڭ اسحاناسىنان ءورت شىققان، دەپ حابارلايدى “ادىرنا”.
«9 قاراشا كۇنى ساعات 15:48-دەن باستاپ قۇتقارۋشىلار ناۋرىزباي اۋدانىنداعى التىن وردا كوشەسىندە ورنالاسقان عيماراتتاعى ءورتتى ءسوندىرۋ جۇمىستارىن جۇرگىزىپ جاتىر»، – دەپ حابارلادى توتەنشە جاعدايلار مينيسترلىگى.
كارتا بويىنشا بۇل جەردە «پەرزەنت» قايىرىمدىلىق بالالار ءۇيى ورنالاسقان.
تاربيەلەنۋشىلەر مەن قىزمەتكەرلەر دەر كەزىندە ەۆاكۋاتسيالانىپ، قاۋىپسىز جەرگە شىعارىلدى. زارداپ شەككەندەر جوق.
ءورت اسحانا مەن وعان ىرگەلەس 3 قاباتتى عيماراتتىڭ شاتىرىن شارپىعان. ءورتتىڭ اۋماعى ناقتىلانۋدا، شاتىردى اشۋ ارقىلى ءسوندىرۋ جۇمىستارى جۇرگىزىلۋدە.
قازىرگە ءورتتىڭ شىعۋ سەبەبى بەلگىسىز.
ۇقساس جاڭالىقتار
