ҚР Қорғаныс министрлігі Қазақстанға ресейлік қару-жарақ пен әскери техниканы жеткізу туралы ақпаратқа байланысты түсініктеме берді деп хабарлайды "Адырна" ұлттық порталы "Zakon.kz-ке" сілтеме жасап.
"2021 жылы Ресей тарапы Қазақстан Қарулы Күштерінің мүддесі үшін "Орлан-10Е" ҰҰА бар көпфункционалды кешенді ғана жеткізеді", - деп нақтылады ведомстводан.
Сонымен қатар, "Су-30СМ" ұшақтары, "Ми-35М" тікұшақтары, "Бук-М2Э" зениттік зымыран кешені, "БТР-80" және "БТР-82А" бронетранспортерлері, сондай-ақ атыс қаруын Қазақстан өткен жылдары сатып алған."Қазақстан армиясының қару-жарағында "Тайфун-К" жеңіл брондалған автомобильдері жоқ екенін қосымша хабарлаймыз", — деп толықтырды баспасөз қызметі. Бұған дейін ресейлік жаңалықтар сайттарының бірінде Ресей Ауғанстандағы қақтығыс кезінде Қазақстан мен Өзбекстанға әскери жеткізілімдерді жеделдеткені айтылған болатын.
"Адырна" ұлттық порталы.
