QR Qorǧanys ministrlıgı Qazaqstanǧa reseilık qaru-jaraq pen äskeri tehnikany jetkızu turaly aqparatqa bailanysty tüsınıkteme berdı dep habarlaidy "Adyrna" ūlttyq portaly "Zakon.kz-ke" sılteme jasap.
"2021 jyly Resei tarapy Qazaqstan Qaruly Küşterınıŋ müddesı üşın "Orlan-10E" ŪŪA bar köpfunksionaldy keşendı ǧana jetkızedı", - dep naqtylady vedomstvodan.
Sonymen qatar, "Su-30SM" ūşaqtary, "Mi-35M" tıkūşaqtary, "Buk-M2E" zenittık zymyran keşenı, "BTR-80" jäne "BTR-82A" bronetransporterlerı, sondai-aq atys qaruyn Qazaqstan ötken jyldary satyp alǧan."Qazaqstan armiiasynyŋ qaru-jaraǧynda "Taifun-K" jeŋıl brondalǧan avtomobilderı joq ekenın qosymşa habarlaimyz", — dep tolyqtyrdy baspasöz qyzmetı. Būǧan deiın reseilık jaŋalyqtar saittarynyŋ bırınde Resei Auǧanstandaǧy qaqtyǧys kezınde Qazaqstan men Özbekstanǧa äskeri jetkızılımderdı jedeldetkenı aitylǧan bolatyn.
"Adyrna" ūlttyq portaly.
