Ahmet Baitūrsynūly atyndaǧy №48 mektep-liseiınde ekologiialyq jauapkerşılıktı qalyptastyruǧa jäne tarihi tūlǧalardy därıpteuge baǧyttalǧan «Eko Sana» jobasy sättı jüzege asyryldy. Oǧan oquşylar, mūǧalımder jäne ata-analar belsene qatysyp, şyǧarmaşylyq pen zamanaui tehnologiiany üilestırgen erekşe jūmys ūsyndy.
Joba aiasynda mektep oquşylary şamamen 7 000 plastikalyq qaqpaqty qaita paidalanu arqyly elımızdıŋ ülken kölemdegı kartasyn jasady. Karta Qazaqstannyŋ 17 oblysyn naqty beinelep, är öŋırdıŋ özındık reŋkın körsetuge baǧyttaldy. Būl bastama oquşylarǧa ekologiiaǧa janaşyr boludy, qaldyqtardy sūryptau mädenietın üiretudı jäne qaita öŋdeudıŋ maŋyzyn tüsındırudı maqsat ettı. Ata-analar, ūstazdar jäne oquşylar bır apta ışınde qaqpaqtardy jinap, sūryptap, juyp-tazalap, ülken ortaq ıstı atqardy. Tarihi-aǧartuşylyq baǧytta oquşylar är oblystan şyqqan Alaş qairatkerlerı turaly aqparatty jasandy intellekt kömegımen daiyndady.
Jūmys barysynda:
- Canva,
- Gemini,
- DreamFace,
- söileudı sintezdeu jüielerı
siiaqty platformalar qoldanyldy.
Kartadaǧy är oblysqa QR-kodtar ornalastyrylyp, olar arqyly keluşıler Alaş tūlǧalary jönındegı multimediialyq materialdardy köre alady.
Būl bastama:
- ekologiialyq mädeniettı arttyrdy,
- oquşylardyŋ ūlttyq tarihqa qyzyǧuşylyǧyn küşeittı,
- jasandy intellekttı sauatty qoldanu qabıletın damytty,
- şyǧarmaşylyq oilau men bırlese jūmys ısteu daǧdysyn jetıldırdı.
AITU universitetınıŋ professory Esenov Älımjan 2025 jyldyŋ qyrküiegınen berı mektep pedagogterıne jasandy zerde boiynşa tūraqty därıster ötkızıp kele jatqanyn da aita ketu qajet. «Eko Sana» – osy oqytulardyŋ naqty nätijesı.
Joba turaly pıkır bıldırgen №48 mektep-liseiınıŋ direktory Qiiaqbai Nūrila Baqtiiarqyzy bastamanyŋ köpten berı oiynda jürgenın atap öttı:
«Jalpy qaqpaqtarmen elımızdıŋ kartasyn jasau ideiasy bırazdan berı tolǧandyryp jürdı. Elımızdıŋ tūtastyǧyn baiandaityn mūndai dünie ūjymnyŋ bırlıgın de arttyrdy degen senımdemın. Nazarlaryŋyzǧa ūsynyp otyrǧan joba 7000 qaqpaqtan tūrady. Mektep oquşylary, ata-analary jäne mūǧalımderı 1 aptanyŋ kölemınde osyndai qaqpaqtardy jinap, juyp tazaladyq. Elımızdıŋ kartasyn oquşylar jäne jas mamandarmen bırlese otyryp, är oblys är türlı reŋke boialyp, är oblystan şyqqan Alaş ziialylarynyŋ ūlaǧatty sözderın jasandy intellekt arqyly QR-larǧa ornalastyryldy. Osylaişa jasandy zerdenıŋ tılımen bız ärı “Taza Qazaqstan” aksiiasyna da qatysyp, tarihi qūndylyqtarymyzdy da ardaqtai alamyz. 2025 jyldyŋ qyrküiek aiynan berı mektebımızdıŋ pedagogterın AITU universitetınıŋ professory Esenov Alimjan jasandy zerde boiynşa türlı platformalardy tanystyryp, därıs berude. Būl öz kezegınde sol därıstıŋ jemısı dep oilaimyz. Osyndai ideialardy qoldaǧan mektep ūjymy men oquşylaryma rizaşylyǧymdy bıldıremın.»
