Kolledjderde 9-synyp negızınde oqu 2024 jylǧa qarai tolyǧymen tegın bolady. Būl turaly premer-Ministrdıŋ orynbasary Eraly Toǧjanov mälımdedı, dep habarlaidy "Adyrna" ūlttyq portaly.
- Kolledjderde oquǧa niet bıldırgen 9-synyp tülekterın 100% tegın oqumen qamtu josparlanyp otyr. Jyl saiyn 9-synyptan keiın 30 myŋ bala kolledjderde aqyly negızde oquda. Olardyŋ bırazy qarjylyq qiyndyqtaryna bailanysty kolledjderdı bıtırmesten oquyn tastap ketetın jaǧdailar da joq emes. Sondyqtan jastardyŋ, äsırese, az qamtylǧan otbasy balalaryn qoldau maqsatynda oquǧa niet bıldırgen barlyq 9-synyp tülekterıne kolledjde tegın bılım aluǧa mümkındık jasalady, – dedı Eraly Toǧjanov.
Sondai-aq, premer-ministrdıŋ orynbasary halyqaralyq olimpiada jeŋımpazdary men jüldegerlerıne JOO-ǧa konkurssyz granttar berıletın aitty.
- Būl şeşım talantty jastardy jalpy qoldauǧa baǧyttalǧan, tülekterdıŋ elımızde tegın joǧary bılım aluyna jol aşady. Sondai-aq, halyqaralyq olimpiadalardyŋ jeŋımpazdaryna, olardyŋ pedagogterı men tälımgerlerıne bır jylǧa aqşalai syilyq taǧaiyndalady, – dep qosty Eraly Toǧjanov.Eske salsaq, 11 nauryzda QR Premer-ministrı Asqar Mamin barlyq jastar alǧaşqy mamandyǧyn tegın aluy üşın kolledjderde kadrlar daiarlauǧa memlekettık tapsyrysty 2021 jyly 20 myŋ orynǧa ūlǧaitudy tapsyrdy. 16 nauryzda QR Bılım jäne ǧylym ministrınıŋ orynbasary Bibıgül Asylova toǧyzynşy synyp tülekterıne endı kolledjge tüsu emtihandaryn tapsyrudyŋ qajetı joq ekenın aitty. Būdan basqa, BǦM-de "studentke aqşa" qaǧidaty boiynşa memlekettık tapsyrysty ornalastyrudyŋ jaŋa mehanizmın äzırlengen bolatyn.
"Adyrna" ūlttyq portaly
Ūqsas jaŋalyqtar
