Pavlodarda mekteptegi órt saldarynan 500-ge jýyq adam evakýaııalanyp, bes adam aýrýhanaǵa jatqyzyldy. Bul týraly Pavlodar oblysynyń Tótenshe jaǵdaılar departamentiniń málimdedi, dep habarlaıdy “Adyrna” ulttyq portaly.
Pavlodar oblysynyń Tótenshe jaǵdaılar departamentiniń málimdeýinshe, 15 sáýir kúni saǵat 11.00-de Malaısary batyr kóshesiniń boıynda ornalasqan №1 orta mekteptiń úshinshi qabatyndaǵy kitap qoımasy órtendi.
«Úshinshi qabattaǵy kitap saqtaý kabınetinde 15 sharshy metr alańda jıhaz, kitap janǵan. Órt sóndirý bólimshesi kelgenge deıin 479 adam, onyń ishinde 414 bala syrtqa shyǵaryldy. Saǵat 11:41-de órt sóndirildi», – dedi Pavlodar oblysy Tótenshe jaǵdaılar departamentiniń bastyǵy general-maıor J. Jumashev.
Órt sóndirý ornynda TJD-niń 35 qyzmetkeri jáne 9 tehnıka, apattyq medıına ortalyǵynan 4 qyzmetker jáne 1 tehnıka jumyldyryldy. Órttiń neden shyqqany anyqtalyp jatyr.
Oblystyq densaýlyq saqtaý basqarmasynyń málimetinshe, bes oqýshy jedel járdemmen aýrýhanaǵa jetkizildi. 2008 jyly týǵan qyz bala «jeńil dárejede janý zattarymen ýlaný» jáne 2007 jylǵy qyz «stresske jiti reakııa» dıagnozymen qaralyp, ata-analaryna tapsyryldy.
«Sondaı-aq, 2005 jáne 2006 jyly týǵan úsh qyzda «kómirqyshqyl gazynyń ýytty áseri» tirkeldi», – dedi basqarmada.
Oqýshylar 15 sáýir kúni saǵat 12.15-te oblystyq balalar aýrýhanasynyń qabyldaý bólimine jetkizildi. Kezekshi pedıatr qarap shyqqannan keıin shuǵyl túrde somatıkalyq bólimshege jatqyzylǵan. Aýrýhanaǵa túsken kezde gazben ýlaný saldarynan balalardyń jaǵdaıy ortasha aýyr bolǵan.
”Adyrna” ulttyq portaly
