Mektepte hidjab kiiuge qatysty daudyŋ şeşımı tabylǧan syŋaily. Dın ısterı jäne azamattyq qoǧam ministrı Nūrlan Ermekbaev bügın arnaiy jeke mektepter aşu kerek dedı. Iаǧni, er balalar men qyzdardy bölıp oqytuǧa mümkındık berılmek. Alaida, keibır deputattar «zaŋ bärıne ortaq» dep otyr.
Aqtöbege arnaiy barǧan deputattarǧa ata-analar osylai aryzdaryn aitqan bolatyn. Bärı de mektepte hidjab kigızbeitınıne narazy. Mäjılısmen Baqytbek Smaǧūl oqu ornynyŋ talaptaryn oryndau kerek dep tüsındırmek bolǧanymen, ata-analardyŋ denı kelıspegen. Tıptı, bırneşeuı sol jiynnan şyqqannan keiın mektep aldynda namaz oqyǧan bolatyn.
BAQYTBEK SMAǦŪL, QR Parlamentı Mäjılısınıŋ deputaty:
— Meşıt bar, sol üşın salynǧan Allanyŋ üiı bar. Namazǧa eşkım şek qoiyp jatqan joq, orazaǧa eşkım şek qoiyp jatqan joq. Sen sanaŋmen jihad jasa. Sanaŋmen küres. Balalardy adastyrma!
Bıraq, deputat ol qandai jihad ekenın naqtylamady. Al, qoǧamda qyzu talqyǧa tüsken 4 kelınşektıŋ kımder ekendıgı köp ūzamai anyqtalypty. Olardyŋ būl äreketı zaŋǧa qaişy jäne ol üşın 50 myŋ teŋgege deiın aiyppūl qarastyrylady eken.
Sondai-aq, Aqtöbedegı jiynda ata-analar öz qyzdaryna jeke medrese aşyp berudı sūraǧan-dy. Būl ūsynysty Dın ısterı ministrlıgı qarastyryp jatqan körınedı.
NŪRLAN ERMEKBAEV, QR Dın ısterı jäne azamattyq qoǧam ministrı:
— Eger sondai ata-analar bolsa, qyzdaryn tek oramal taǧyp, hidjab kigızıp mektepke jıberetın bolsa, olar özderı jinalyp, demeuşılerdı ızdep, ondai jeke mektep aşuǧa barlyq jaǧdai bar. Qūqyqtary da bar.
Iаǧni, er balalardan bölek oqytatyn jeke mektep aşyp, sol jerde oramalsyz jüruge jaǧdai jasau közdelıp otyr. Būl - dıni bılım beretın oryn emes, zaŋǧa säikes zaiyrly oqu ordasy bolmaq. Bıraq, ony memleket emes, ata-analar özderı salyp alulary kerek.
Ministrler jeke mektepke rūqsat bar dep älek bolyp jatqanda Aqtöbede oramal taqqan oquşylardyŋ sany azaiyp keledı eken.
ERBOL NŪRǦALİEV, Aqtöbe oblysy äkımınıŋ orynbasary:
— Bız mıne osy 1 aptanyŋ ışınde 75 bala mektep formasyn saqtauǧa köştı. 75 bala. Endı 269 bala qalyp otyr.
Ärine, däl osyndai hidjab mäselesı bırneşe oblysqa tän. Alaida, balasyna mektep formasyn kigızgısı kelmeitın ata-ananyŋ sany boiynşa bärıbır Aqtöbe oblysy alda tūr. Astanaǧa esep beruge kelgen kezınde aimaq basşysy Berdıbek Saparbaev «mäsele oŋ şeşımın tappasa özım aralasamyn» degen bolatyn. Bıraq, jaǧdai qanşa uşyqsa da, Saparbaev myrza sol küiı aralaspady.
Baqytnūr Älıbai, Nūrken Toqmurzin
informburo.31.kz
Ūqsas jaŋalyqtar
