Stýdentter men oqýshylar 20 qyrkúıekten bastap onlaın oqý formatyna kóshe me?

2894

Qazaqstandyqtar WhatsApp messendjerinde Tengrinews.kz jańalyǵynyń skrınshotty taratyp jatyr. Sýrette 20 qyrkúıekten bastap elimizde oqýshylar men stýdentter onlaın rejımde oqýǵa kóshetini týraly jańalyq kórsetilgen, - dep habarlaıdy “Adyrna” ulttyq portaly stopfake.kz saıtyna silteme jasap. 

Shyn máninde, taratylǵyn sýret óńdelgen. Qashyqtan oqytý formatyna kóshý týraly habarlamadaǵy qarip jańalyqtar portalynda qoldanylatyn qarippen erekshelenedi. Sonymen qatar, habarlamada stılıstıkalyq qateler bar. Tengrinews.kz portalynda jarııalanǵan túpnusqa aqparatta 15 qyrkúıektegi valıýta baǵamy týraly ǵana jazylǵan. Maqalada oqýshylar men stýdentterdi oqytý formatynyń ózgerýi týraly eskertýler joq.

Onlaın oqytý formatyna kóshý týraly aqparatty Sanıtarlyq-epıdemıologııalyq baqylaý komıteti de joqqa shyǵardy.

"Bul aqparat shyndyqqa janaspaıdy. Balalar oflaın rejımde oqýda jáne oqýyn jalǵastyrady. Eger synypta koronavırýs ınfekııasyn juqtyrǵan oqýshy anyqtalsa, onda tek sol synyp qana eki aptalyq karantınge jiberiledi. Mekteptegi qalǵan barlyq oqýshy oqýyn dástúrli formatta jalǵastyrady", - dep túsindirdi vedomstvonyń resmı ókili Erjan Baıtanaev.

Qashyqtan oqytýǵa kóshý týraly habarlamalar feık, al skrınshot qoldan jasalǵan. Bıyl 15 qyrkúıekte Tengrinews.kz portaly oqýshylar men stýdentter úshin oqytý formatynyń aýysqany týraly habarlama jarııalaǵan joq.

”Adyrna” ulttyq portaly 

Pikirler
Uqsas jańalyqtar