Қазақстан Республикасының Қорғаныс министрлігіне тиесілі тікұшақты іздестіруге Алматы облысындағы Ионосфера институтының және «Геокурс» компаниясының ғалымдары тартылуда, деп хабарлайды "Адырна".
Естеріңізге сала кетейік, әскери EC-145 тікұшақ 25 шілдеде Луговой әуежайынан ұшып шығып, радарлардан жоғалған болатын. Оның бортына үш экипаж мүшесі отырған. Іздеу жұмыстары Сорбұлақ су қоймасында басталды, онда ТЖМ тікұшақтың алғашқы бөліктерін тапқан.
“Іздеу жұмыстарына Ионосфера институтының және «Геокурс» компаниясының төрт маманы қосылды”, деп хабарлады Қорғаныс министрлігінен.
Ведомстваның іздестіру-құтқару жұмыстары туралы пресс-релизінде «судың астындағы және жердегі іздеу жұмыстарын жүргізетін арнайы жабдықтарды қолданатын ғылыми және техникалық ұйымдар тартылғаны» көрсетілген. Сонымен қатар, ұшу қиын аймақтарын әуеден тексеру, жағалау аймағын және көлдің су айдынын зерттеу жұмыстары жүргізілуде.
«Қорғаныс министрі генерал-лейтенант авиация Даурен Косановтың тапсырмасымен арнайы комиссия құрылды. Оған мемлекеттік авиацияның ұшулар қауіпсіздігі департаментінің жоғары білікті мамандары кірді. Комиссияның бір бөлігі іздеу жұмыстарымен айналысса, екінші бөлігі авиациялық оқиғаны тергеу шараларын жүргізуде», – деп атап өтті пресс-релизде.
Арнайы комиссия тікұшақтың дайындық және пайдалану құжаттарын, құқық қорғау органдары мен авиациялық қызметтерден алынған мәліметтерді, метеорологиялық және орнитологиялық жағдайды, сондай-ақ басқа да факторларды зерттеп жатыр, деп айтты ҚР Әуе қорғанысы күштерінің қолбасшысы генерал-майор Аскар Избасов.
Іздеу-құтқару жұмыстары 11 күннен бері жалғасып жатыр. Қорғаныс министрлігінің мәліметінше, оларды жүргізуге 330-дан астам адам, 59 бірлік автокөлік, 23 жүзу құралы, 12 ұшқышсыз ұшу аппараты, сондай-ақ эхолоттар, георадарлар, авиация және кинологиялық топтар тартылған. Сонымен қатар, іздеу жұмыстарына Қорғаныс министрлігінің мамандарымен қатар ТЖМ, ІІМ және басқа да мемлекеттік құрылымдардың қызметкерлері қатысуда.
Ауа райының күрделілігі – түбінің көп тұнбалы болуы, суда көріністің нөлдік деңгейде болуы және ауа райының өзгермелілігіне қарамастан, жұмыстар тәулік бойы жүргізілуде.
Қорғаныс министрлігінде іздеулер экипаж мүшелерінің тағдыры анықталғанша және апаттың себептері анықталғанша жалғасатынын атап өтті.
