Қытай елдің солтүстік-батысындағы Цзюцюань ғарыш айлағынан алыстан зондтауға арналған «Яогань-47» жаңа жерсерігін сәтті ұшырды, деп хабарлайды "Адырна" ұлттық порталы Синьхуаға сілтеп.
Жерсерік «Чанчжэн-4B» (Long March-4B) зымыран тасығышының көмегімен Бейжің уақытымен 11:41-де (Астана уақытымен 08:41) ғарышқа көтерілді. Ұшырылым сәтті өтіп, аппарат жоспарланған орбитаға шығарылды.
«Яогань-47» спутнигі ұлттық жер ресурстарын зерттеу, қалаларды жоспарлау, жол желілерін жобалау, ауыл шаруашылығы дақылдарының өнімділігін бағалау, қоршаған ортаны қорғау мен мониторинг жүргізу, сондай-ақ табиғи апаттардың алдын алу және олардың салдарын азайту бағытында пайдаланылмақ.
Айта кетейік, бұл — «Чанчжэн» («Ұлы жорық») зымыран тасығыштар сериясының 614-ші ұшырылымы.
