قىتاي ەلدىڭ سولتۇستىك-باتىسىنداعى تسزيۋتسيۋان عارىش ايلاعىنان الىستان زوندتاۋعا ارنالعان «ياوگان-47» جاڭا جەرسەرىگىن ءساتتى ۇشىردى، دەپ حابارلايدى "ادىرنا" ۇلتتىق پورتالى سينحۋاعا سىلتەپ.
جەرسەرىك «چانچجەن-4B» (Long March-4B) زىمىران تاسىعىشىنىڭ كومەگىمەن بەيجىڭ ۋاقىتىمەن 11:41-دە (استانا ۋاقىتىمەن 08:41) عارىشقا كوتەرىلدى. ۇشىرىلىم ءساتتى ءوتىپ، اپپارات جوسپارلانعان وربيتاعا شىعارىلدى.
«ياوگان-47» سپۋتنيگى ۇلتتىق جەر رەسۋرستارىن زەرتتەۋ، قالالاردى جوسپارلاۋ، جول جەلىلەرىن جوبالاۋ، اۋىل شارۋاشىلىعى داقىلدارىنىڭ ونىمدىلىگىن باعالاۋ، قورشاعان ورتانى قورعاۋ مەن مونيتورينگ جۇرگىزۋ، سونداي-اق تابيعي اپاتتاردىڭ الدىن الۋ جانە ولاردىڭ سالدارىن ازايتۋ باعىتىندا پايدالانىلماق.
ايتا كەتەيىك، بۇل — «چانچجەن» («ۇلى جورىق») زىمىران تاسىعىشتار سەرياسىنىڭ 614-ءشى ۇشىرىلىمى.
