Тегеран Вашингтонмен келіссөз жүргізбейді. Бұл туралы Иран Жоғары ұлттық қауіпсіздік кеңесінің хатшысы Әли Лариджани Х әлеуметтік желісіндегі парақшасында айтты, деп хабарлайды «Адырна» тілшісі.
«Біз АҚШ-пен ешқандай келіссөз жүргізбейміз», – деді хатшы.
Лариджани америкалық көшбасшының Таяу Шығысқа хаосқа әкелгенін мәлімдеді.
«Трамп аймақты хаосқа батырып, жалған үміт сыйлады. Қазір америкалық әскери қызметкерлер арасындағы қосымша шығындардан қорқып отыр»,-деп жазды Лариджани.
Оның айтуынша, «жалған мәлімдемелері арқылы» Трамп америкалық әскерилер мен олардың отбасыларына зиян тигізіп отыр.
«Бүгінде Иран халқы өз-өзін қорғап жатыр. Иран қарулы күштері шабуылды бастаған жоқ», – деп түйіндеді Лариджани.
Бірнеше сағат бұрын Дональд Трамп Иранның жаңа басшылығы АҚШ-пен келіссөзді қайта бастауға ұсыныс жасағанын айтқан еді.
