تەگەران ۆاشينگتونمەن كەلىسسوز جۇرگىزبەيدى. بۇل تۋرالى يران جوعارى ۇلتتىق قاۋىپسىزدىك كەڭەسىنىڭ حاتشىسى ءالي لاريدجاني ح الەۋمەتتىك جەلىسىندەگى پاراقشاسىندا ايتتى، دەپ حابارلايدى «ادىرنا» ءتىلشىسى.
ء«بىز اقش-پەن ەشقانداي كەلىسسوز جۇرگىزبەيمىز»، – دەدى حاتشى.
لاريدجاني امەريكالىق كوشباسشىنىڭ تاياۋ شىعىسقا حاوسقا اكەلگەنىن مالىمدەدى.
«ترامپ ايماقتى حاوسقا باتىرىپ، جالعان ءۇمىت سىيلادى. قازىر امەريكالىق اسكەري قىزمەتكەرلەر اراسىنداعى قوسىمشا شىعىنداردان قورقىپ وتىر»،-دەپ جازدى لاريدجاني.
ونىڭ ايتۋىنشا، «جالعان مالىمدەمەلەرى ارقىلى» ترامپ امەريكالىق اسكەريلەر مەن ولاردىڭ وتباسىلارىنا زيان تيگىزىپ وتىر.
«بۇگىندە يران حالقى ءوز-ءوزىن قورعاپ جاتىر. يران قارۋلى كۇشتەرى شابۋىلدى باستاعان جوق»، – دەپ تۇيىندەدى لاريدجاني.
بىرنەشە ساعات بۇرىن دونالد ترامپ يراننىڭ جاڭا باسشىلىعى اقش-پەن كەلىسسوزدى قايتا باستاۋعا ۇسىنىس جاساعانىن ايتقان ەدى.
