Батыс Қазақстан облысында 16 жастағы жасөспірім анасын өлтірді деген күдікке ілінді. Бұл туралы облыстық полиция департаменті айтты, деп хабарлайды «Адырна» тілшісі.
Басқарманың мәліметінше, қайғылы оқиға 18 қазан күні болған.
«Кісі өлтірді деген күдікті ұсталып, уақытша ұстау изоляторына қамалды. Сотқа дейінгі тергеу басталды»,—делінген хабарламада.
Ауыл әкімдігі бұл отбасының тыныш болғанын, ешқандай есепте тұрмағанын мәлімдеді.
