Шымкентте 28 жастағы тұрғынның денесі табылды, деп хабарлайды "Адырна" тілшісі Otyrar.kz-ке сілтеп.
Басылымның хабарлауынша, ер адамның мүрдесін анасы тапқан. Шымкент қалалық ПД баспасөз қызметі 1 желтоқсанда Қаратау аудандық полициясының 102 пультіне әйелдің қоңырау шалып, пәтерінен ұлының денесін тапқанын айтты.
"Оқиға орнына келіп жеткен жедел-тергеу тобы 28 жастағы ер адамның мойын тұсынан пышақталған денесін тапты. Қазір сотқа дейінгі тергеу амалдары жүргізілуде. Тиісті сараптамалар тағайындалды", – деп хабарлады ведомство өкілдері.Полицейлердің айтуынша, бұл дерек "Адам өлтіру" бабы бойынша тіркелді. Қазір адам өлтірді деген күдіктке ілінген азамат ұсталып, уақытша ұстау изоляторына қамалды. Сондай-ақ тәртіп сақшылары тергеу мүддесіне орай күдікті туралы мәліметтерді әзірге жария етпейтінін айтты.
Ұқсас жаңалықтар
