Ақмола облысының Бурабай ауданында балабақша тәрбиеленушісі кенеттен қайтыс болды. Бұл туралы Ақмола облысы полиция департаментінің баспасөз қызметі мәлімдеді, деп хабарлайды “Адырна” ұлттық порталы.
Ақпарат бойынша, келеңсіз жағдай бүгін, мамырдың 6-сында болған.
«Бурабай ауданындағы балабақшалардың бірінде жас баланың қайтыс болу дерегі бойынша қылмыстық іс қозғалды. Қазіргі уақытта сот-медициналық сараптама тағайындалып, оқиғаның мән-жайы анықталуда», - деп түсіндірді Ақмола облысы ПД баспасөз қызметінен.
Еске салайық, бұған дейін Бурабайда велосипедпен ағашқа соғылған турист бала көз жұмғанын хабарлаған едік. Ұқсас жаңалықтар
