Қарағандыда сұлулық салонының қызметкері серіктесімен бірге жұмыс істейтін жерінен ірі көлемде ақша ұрлаған, деп хабарлайды "Адырна" тілшісі.
Оқиға түнгі уақытта болған.
Полицияның мәліметінше, күдіктілер салонға түнде кіріп, кассадағы ақшаны алып кеткен. Алайда олардың әрекеті бейнебақылау камерасына түсіп қалған.
Таңертең салон иесі ақшаның жоғалғанын анықтаған. Бейнежазбаны қарап шыққаннан кейін күдік салон қызметкеріне түскен. Ол кассаға қол жеткізе алған және ақшаның қай жерде сақталатынын жақсы білген.
Полиция күдіктілердің белгілерін анықтап, барлық патрульдік нарядтарға бағдар берді. Көп ұзамай олар теміржол вокзалында ұсталды. Алдын ала мәлімет бойынша, күдіктілер қаладан кетуге әрекет жасаған.
Қазіргі уақытта аталған факті бойынша қылмыстық іс қозғалып, тергеу жүргізіліп жатыр.
