Qaraǧandyda sūlulyq salonynyŋ qyzmetkerı serıktesımen bırge jūmys ısteitın jerınen ırı kölemde aqşa ūrlaǧan, dep habarlaidy "Adyrna" tılşısı.
Oqiǧa tüngı uaqytta bolǧan.
Polisiianyŋ mälımetınşe, küdıktıler salonǧa tünde kırıp, kassadaǧy aqşany alyp ketken. Alaida olardyŋ äreketı beinebaqylau kamerasyna tüsıp qalǧan.
Taŋerteŋ salon iesı aqşanyŋ joǧalǧanyn anyqtaǧan. Beinejazbany qarap şyqqannan keiın küdık salon qyzmetkerıne tüsken. Ol kassaǧa qol jetkıze alǧan jäne aqşanyŋ qai jerde saqtalatynyn jaqsy bılgen.
Polisiia küdıktılerdıŋ belgılerın anyqtap, barlyq patruldık nariadtarǧa baǧdar berdı. Köp ūzamai olar temırjol vokzalynda ūstaldy. Aldyn ala mälımet boiynşa, küdıktıler qaladan ketuge äreket jasaǧan.
Qazırgı uaqytta atalǧan faktı boiynşa qylmystyq ıs qozǧalyp, tergeu jürgızılıp jatyr.
