Saryaǵash — Jetisaı — Jibek joly tas jolynyń 213-shaqyrymynda (Saryaǵash aýdany aýmaǵy) polıeıler «Mersedes» júrgizýshisin toqtatyp, jol erejesin elemeıtin azamattyń memleketke 4.5 mln teńge qaryz ekeni anyqtady, dep habarlaıdy “Adyrna” ulttyq portaly.
Polıııa departamenti habarlaǵandaı, shuǵyl áreket etý basqarmasynyń kezekshilerine «Qorǵaý — qaýipti júrgizýshi» baǵdarlamasy jáne «Sergek» kamerasy arqyly jolda aıyppul tólemegen júrgizýshi kele jatqany jóninde aqparat túsken.
Sondaı-aq, dál sol kúni osy aımaqta polıııa 1 mln teńge aıyppuly bar Lada-21114 kóligin ustady.
Eki mashınany da aıypturaqqa qoıdyq. Júrgizýshilerge túsindirý jumysyn júrgizip jatyrmyz, — dedi polıeıler.
Ákimshilik kodekstiń 797-babyna saı IIM qyzmetkerleri arnaıy turaqqa aıyppul tólegenge deıin sheteldikke (jeke nemese zańdy tulǵaǵa) tıesili avtomobıldi ǵana qoıa alady. Qazaqstanda tirkelgen mashınany aıypturaqqa jiberýge tek sot qyzmetkerleri quqyly.
Túrkistan polıııasy 4.5 mln teńge qaryzy bar «mers» júrgizýshisinen aıyppuldy májbúrlep óndirý týraly sheshim bar-joǵyn aıtpady.
Aıta keteıik, 4.5 mln teńgege eskileý bolsa da, basqa mashına satyp alýǵa bolady.
