سارىاعاش — جەتىساي — جىبەك جولى تاس جولىنىڭ 213-شاقىرىمىندا (سارىاعاش اۋدانى اۋماعى) پوليتسەيلەر «مەرسەدەس» جۇرگىزۋشىسىن توقتاتىپ، جول ەرەجەسىن ەلەمەيتىن ازاماتتىڭ مەملەكەتكە 4.5 ملن تەڭگە قارىز ەكەنى انىقتادى، دەپ حابارلايدى “ادىرنا” ۇلتتىق پورتالى.
پوليتسيا دەپارتامەنتى حابارلاعانداي، شۇعىل ارەكەت ەتۋ باسقارماسىنىڭ كەزەكشىلەرىنە «قورعاۋ — قاۋىپتى جۇرگىزۋشى» باعدارلاماسى جانە «سەرگەك» كامەراسى ارقىلى جولدا ايىپپۇل تولەمەگەن جۇرگىزۋشى كەلە جاتقانى جونىندە اقپارات تۇسكەن.
سونداي-اق، ءدال سول كۇنى وسى ايماقتا پوليتسيا 1 ملن تەڭگە ايىپپۇلى بار Lada-21114 كولىگىن ۇستادى.
ەكى ماشينانى دا ايىپتۇراققا قويدىق. جۇرگىزۋشىلەرگە ءتۇسىندىرۋ جۇمىسىن جۇرگىزىپ جاتىرمىز، — دەدى پوليتسەيلەر.
اكىمشىلىك كودەكستىڭ 797-بابىنا ساي ءىىم قىزمەتكەرلەرى ارنايى تۇراققا ايىپپۇل تولەگەنگە دەيىن شەتەلدىككە (جەكە نەمەسە زاڭدى تۇلعاعا) تيەسىلى ءاۆتوموبيلدى عانا قويا الادى. قازاقستاندا تىركەلگەن ماشينانى ايىپتۇراققا جىبەرۋگە تەك سوت قىزمەتكەرلەرى قۇقىلى.
تۇركىستان پوليتسياسى 4.5 ملن تەڭگە قارىزى بار «مەرس» جۇرگىزۋشىسىنەن ايىپپۇلدى ماجبۇرلەپ ءوندىرۋ تۋرالى شەشىم بار-جوعىن ايتپادى.
ايتا كەتەيىك، 4.5 ملن تەڭگەگە ەسكىلەۋ بولسا دا، باسقا ماشينا ساتىپ الۋعا بولادى.
