الماتى قالاسى رايىمبەك پەن ەمتسوۆ كوشەلەرىنىڭ قيىلىسىندا ادام ولىمىنە سوقتىرعان جول كولىك وقيعاسى بولدى. بۇل تۋرالى قالالىق پوليتسيا دەپارتامەنتىنىڭ ءباسپاسوز قىزمەتى مالىمدەدى، دەپ حابارلايدى “ادىرنا” ۇلتتىق پورتالى.
مالىمەت بويىنشا، «كاماز» كولىگىنىڭ جۇرگىزۋشىسى ەمتسوۆ كوشەسىنىڭ بويىمەن وڭتۇستىك باعىتقا قاراي «ۆاز» ماركالى اۆتوبۋستى سۇيرەتىپ كەلە جاتقان. قوزعالىس كەزىندە كاماز بەن اۆتوبۋستى بايلانىستىرىپ تۇرعان قاتتى ىلمەك ءۇزىلىپ، سالدارىنان قوعامدىق كولىك تروتۋارعا شىعىپ كەتىپ، جاياۋ جۇرگىنشىنى قاعىپ كەتكەن.
وقيعا سالدارىنان 1990 جىلى تۋعان ەر ادام كوز جۇمعان.
الماتى قالالىق پوليتسيا دەپارتامەنتىنىڭ انىقتاۋ باسقارماسى ادام ولىمىنە اكەپ سوقتىرعان جول-كولىك وقيعاسىنا قاتىستى قىلمىستىق ءىس قوزعاپ، ءتيىستى ساراپتامالار تاعايىنداعان.
ۇقساس جاڭالىقتار
