Astanada anasynyń óz qyzyn urǵan áıeldiń vıdeosy jelide taraldy. Oqıǵa boıynsha ishki ister mınıstrligi pikir bildirdi,dep habarlaıdy “Adyrna” ulttyq portaly.
Vıdeoda áıeldiń jetkinshek qyzdy julqylap súırep, kólikke basyn uryp jatqany baıqalady.
Oqıǵa Astana qalasyndaǵy Almaty aýdanynda oryn alǵan.
"Áleýmettik jelilerde júrgizilgen monıtorıng kezinde belgisiz áıeldiń kámeletke tolmaǵan qyzdyń denesine zaqym keltirgeni túsirilgen vıdeosy anyqtaldy. Tekserý barysynda 52 jastaǵy áıel men onyń 10 jasar balasy anyqtaldy. Oqıǵaǵa balanyń jattyǵý zalynan ketpeı qoıýy sebep bolǵan", - delingen IIM habarlamasynda.
Qazirgi tańda áıeldiń ústinen Ákimshilik quqyq buzýshylyq kodeksiniń 127-baby (Kámeletke tolmaǵan adamdy tárbıeleý nemese oǵan bilim berý, onyń quqyqtary men múddelerin qorǵaý jónindegi mindetterdi oryndamaý) boıynsha is qozǵalyp, oǵan 45 myń teńge aıyppul salynǵan.
“Adyrna” ulttyq portaly
