استانادا اناسىنىڭ ءوز قىزىن ۇرعان ايەلدىڭ ۆيدەوسى جەلىدە تارالدى. وقيعا بويىنشا ىشكى ىستەر مينيسترلىگى پىكىر ءبىلدىردى،دەپ حابارلايدى “ادىرنا” ۇلتتىق پورتالى.
ۆيدەودا ايەلدىڭ جەتكىنشەك قىزدى جۇلقىلاپ سۇيرەپ، كولىككە باسىن ۇرىپ جاتقانى بايقالادى.
وقيعا استانا قالاسىنداعى الماتى اۋدانىندا ورىن العان.
"الەۋمەتتىك جەلىلەردە جۇرگىزىلگەن مونيتورينگ كەزىندە بەلگىسىز ايەلدىڭ كامەلەتكە تولماعان قىزدىڭ دەنەسىنە زاقىم كەلتىرگەنى تۇسىرىلگەن ۆيدەوسى انىقتالدى. تەكسەرۋ بارىسىندا 52 جاستاعى ايەل مەن ونىڭ 10 جاسار بالاسى انىقتالدى. وقيعاعا بالانىڭ جاتتىعۋ زالىنان كەتپەي قويۋى سەبەپ بولعان", - دەلىنگەن ءىىم حابارلاماسىندا.
قازىرگى تاڭدا ايەلدىڭ ۇستىنەن اكiمشiلiك قۇقىق بۇزۋشىلىق كودەكسىنىڭ 127-بابى (كامەلەتكە تولماعان ادامدى تاربيەلەۋ نەمەسە وعان ءبىلىم بەرۋ، ونىڭ قۇقىقتارى مەن مۇددەلەرىن قورعاۋ جونىندەگى مىندەتتەردى ورىنداماۋ) بويىنشا ءىس قوزعالىپ، وعان 45 مىڭ تەڭگە ايىپپۇل سالىنعان.
“ادىرنا” ۇلتتىق پورتالى
