Astanada uzaq merzimdi qurylys nysandary – 10 turǵyn úı kesheni aıaqtalady. Bul týraly elorda ákimi Jeńis Qasymbek aıtty, dep habarlaıdy “Adyrna” ulttyq portaly.
Ákim «Arabı 2 - Granıtnyı 2» turǵyn úı kesheni, «Arystan», 4-kvartal, «Future home» sııaqty uzaq merzimdi qurylys nysandarynyń qurylys barysymen tanysty.
«Bul turǵyn úı keshenderiniń 12 jylǵa jýyq tarıhy bar. Máselen, Arabı 2 - Granıt 2 turǵyn úı kesheni sonaý 2013 jyly problemaly dep tanyldy. Munda 200-ge jýyq otbasy páter kiltin kútip otyr. «Future home» turǵyn úı qurylysy da 2013 jyly bastalǵan. Nysan OKQ-ǵa berilgen kezde 4 jáne 7 qabattar salyndy», - dep jazdy ol Instagram paraqshasynda.
Ákim kóptegen júıeli jumystar atqarylyp jatqanyn aıtty. Buǵan deıin memleket qoldaýynyń arqasynda 16 myńnan astam úlesker otbasynyń 15,5 myńǵa jýyq úlesker otbasy páter kiltin alǵan bolatyn. 140-tan astam kópjyldyq turǵyn úı keshenderiniń qurylysy aıaqtaldy.
«Mysaly, 2023 jyly qurylysy uzaqqa sozylǵan 32 turǵyn úı keshenin bolatyn, ótken jyly 22 uzaq merzimdi turǵyn úı kesheniniń qurylysy aıaqtaldy, bıyl 10 úı qaldy, olardyń qurylysy osy jyldyń 1-2 toqsanynda aıaqtalady. Osylaısha, qalǵan 500-ge jýyq úlesker otbasy baspanaly bolady», - dep túıindedi ákim.
”Adyrna” ulttyq portaly
