Qaraǧandy oblysynda ötken «Tazaru künı» ekologiialyq aksiiasyna 10 myŋnan astam tūrǧyn belsene qatysyp, Nauryznama onkündıgın mazmūndy türde qorytyndylady. Auqymdy şara barysynda öŋırde 1,5 myŋ gektar aumaq tazartylyp, şamamen 30 myŋ tonna qatty tūrmystyq qaldyq syrtqa şyǧaryldy.
Tazalyq künı «Taza Qazaqstan» jalpyūlttyq bastamasy aiasynda ūiymdastyryldy. Barlyq qala men audandarda erıktıler, studentter, eŋbek ūjymdary men eko-belsendıler jūmylyp, tazalyq, jauapkerşılık jäne qorşaǧan ortaǧa ūqypty qarau mädenietın därıptedı.
«Tazaru künıne» orai «Tazalyq estafetasy», «TazaLike» ekofestivalderı, sondai-aq «Özıŋnen basta» jastar aksiiasy öttı.
Qaraǧandy qalasynda Nūrsūltan Nazarbaev daŋǧylyndaǧy gülzardy tazalauǧa şamamen 3 myŋ adam qatysty.
İgı ıske jergılıktı bilık ökılderımen qatar jastar jäne erıktıler ūiymdary da qoldau bıldırdı.
Sonymen qatar qala aumaǧynda saiabaqtar, gülzarlar men qoǧamdyq keŋıstıkter keşendı türde tazartyldy.
Temırtauda «Tazaru künı» aksiiasyna Qarmet kompaniiasynyŋ metallurgterı qatysyp, qalanyŋ ortalyq saiabaqtary men alaŋdaryn retke keltırdı.
Şahtinsk qalasynda erıktıler qarttarǧa qoldau körsetuge basymdyq berdı: «Ardagerım – ardaǧym» aksiiasy aiasynda jalǧyzbasty zeinetkerlerdıŋ aulalary tazartylyp, abattandyryldy.
Jalpy oblys boiynşa tūrǧyndar aulalar men qoǧamdyq keŋıstıkterde tazalyq jūmystaryn belsendı jürgızdı.
Sonymen qatar «Taza aula» ekologiialyq chellendjı bastau alyp, bır ai ışınde eŋ ülgılı ärı abattandyrylǧan aula aumaqtary anyqtalatyn bolady.
