Temırtauda Qūryltai deputattary Ünzila Şapaq pen Vadim Basin, memlekettık organdardyŋ, Qazaqstan Halyq Keŋesınıŋ jäne Qaraǧandy oblysynyŋ Qoǧamdyq keŋesınıŋ ökılderı metallurgtermen kezdestı.
Sapar barysynda delegasiia Qarmet AQ öndırıs oryndaryn aralap, käsıporynnyŋ jūmys barysymen tanysty. Būdan keiın ötken kezdesude Memleket basşysy Qasym-Jomart Toqaevtyŋ Joldauynda belgılengen mındetter men basym baǧyttar söz boldy. Atap aitqanda, önerkäsıptı jaŋǧyrtu, energetika men infraqūrylymdy damytu, otandyq öndırıstıŋ äleuetın arttyru mäselelerıne nazar audaryldy.
Jüzdesu barysynda öndırıs oryndaryn tehnologiialyq tūrǧydan jaŋartu jäne Memleket basşysy jariialaǧan «Halyqtyq qūrylys» baǧdarlamasynyŋ maŋyzy da keŋınen söz boldy. Elımızdıŋ barlyq öŋırın qamtityn būl bastama qūrylys salasyn jandandyryp qana qoimai, otandyq önerkäsıptıŋ damuyna da tyŋ serpın beruge baǧyttalǧan.
Metallurgiia salasynda mol täjıribesı bar Qūryltai deputaty Vadim Basin önerkäsıptı damytuǧa qatysty mındetterdıŋ oryndaluy öndırıstı jaŋǧyrtu men bılıktı mamandar daiarlauǧa tıkelei bailanysty ekenın atap öttı.
– Bügınde önerkäsıp zaman talabyna sai jaŋaryp, ozyq tehnologiialardy igerıp, öndırıs tiımdılıgın arttyruy qajet. Metallurgiia käsıporyndary üşın būl – bäsekege qabılettılıktı nyǧaitudyŋ jäne otandyq öndırıstıŋ bolaşaǧyn qamtamasyz etudıŋ maŋyzdy şarty. Öndırıstık quattardy jaŋartumen qatar, zamanaui jabdyqtarmen jūmys ıstei alatyn, jaŋa tehnologiialardy jetık meŋgergen bılıktı mamandar daiarlauǧa da basa män beru kerek, – dedı Vadim Basin.
Kezdesu soŋynda Joldauda aiqyndalǧan basymdyqtardy öndırıs oryndarynda jüzege asyru joldary, sondai-aq metallurgiia salasynyŋ äleuetın arttyru üşın alda atqaryluy tiıs jūmystar jönınde pıkır almasty.
