Qaraǧandyda aumaǧy 200 gektardan asatyn ekopark qūru jūmystary jalǧasyp jatyr. Bügın Düniejüzılık tazalyq künıne orai mūnda «Taza Qazaqstan» ekologiialyq baǧdarlamasy aiasynda taǧy 500 köşet otyrǧyzyldy.
Ekologiialyq aksiiaǧa studentter, volonterler,
sondai-aq «Taldau mektebınıŋ» qatysuşylary men tülekterı atsalysty.
— Ekologiialyq aksiiaǧa qalamyzdyŋ tabiǧatyna beijai qaramaityn tūrǧyndardy, studentter men volonterlerdı şaqyrdyq. Osyndai igı bastamalar adamdardy ortaq ıske jūmyldyryp, qalamyzdyŋ jasyl jelegın köbeitıp, ony jaily ärı körıktı etuge mümkındık beredı, — dedı Qaraǧandy oblysynyŋ Jastar resurstyq ortalyǧy direktorynyŋ orynbasary Ardana Marzanova. — Mūndai aksiialar Qaraǧandyda ǧana emes, oblystyŋ özge de qalalary men audandarynda ötıp jatyr.
Köşet egu şarasyna Qaraǧandy oblysynyŋ äkımı Ermaǧanbet Bölekpaev pen qoǧam qairatkerı Mäulen Äşımbaev ta qatysty.
— «Taza Qazaqstan» — Memleket basşysynyŋ asa maŋyzdy bastamalarynyŋ bırı. Bes jyldan keiın osy jerge qaita kelgenımızde, mūnda tūtas bır orman boi köteredı. Sol kezde osy saiabaqtyŋ ırgesın qalauǧa öz ülesımızdı qosqanymyzdy maqtanyşpen aitatyn bolamyz, - dedı Mäulen Äşımbaev.
IT-biznes kolledjınıŋ studentı Maksim Fedkevich üşın būl aksiia aǧaş otyrǧyzuǧa alǧaş ret qatysuymen erekşelendı.
— Būl — öz qolymmen otyrǧyzǧan alǧaşqy aǧaşym. Sondyqtan men üşın onyŋ orny erekşe. Bügın bız qalamyzdyŋ körkeiıp, abattanuyna ǧana emes, onyŋ bolaşaǧyna da öz ülesımızdı qosyp jatyrmyz. Jastar osyndai igı bastamalardan şet qalmai, belsendı aralasuy kerek dep oilaimyn. Öitkenı būl qalada ömır sürıp, ony odan ärı damytu — bızdıŋ enşımızdegı mındet. Uaqyt öte kele būl saiabaq qala tūrǧyndary seruendep, tynyǧatyn jasyl ärı jaily mekenge ainalatynyna senımdımın, — deidı Maksim Fedkevich.
Ekopark qūru jūmystary biyl mamyr aiynda bastalǧan.
Sol kezde onyŋ aumaǧyna emen, alma, qaraǧai jäne qaraǧaştyŋ 4 myŋ köşetı otyrǧyzyldy.
Sondai-aq mūnda «Taza Qazaqstan» degen jazuy bar simvolikalyq tas qoiyldy.
Qazır otyrǧyzylǧan aǧaştardyŋ basym bölıgı jersınıp, tamyr jaidy.
Olardy tūraqty suaru üşın aumaqta tamşylatyp suaru jüiesı ornatyldy.
Ekoparktı abattandyru jäne kögaldandyru jūmystary jalǧasyp jatyr.
