Qaraǧandy oblysy äkımınıŋ qoldauymen jariialanǧan 2025 jyl – Jūmysşy mamandyqtar jyly jäne Qazaqstan halqy Assambleiasynyŋ 30 jyldyǧyna arnalǧan «Adal eŋbek pen yntymaq – El igılıgı» jobasynyŋ aiasyndaǧy mazmūndy şaralar Nūra audanynda jalǧasyn tapty.
Nūra öŋırınıŋ mädeniet üiınde ötken ruhani kezdesuge jobanyŋ avtory, halyqaralyq jäne respublikalyq aitystardyŋ laureaty, QR Mädeniet salasynyŋ üzdıgı, aqyn, bard, qoǧam qairatkerı Quanyş Maqsūtov arnaiy keldı. Şaraǧa jinalǧan jūrtşylyq aldymen eŋbek taqyrybyn, audan tarihy men tūlǧalaryn qamtyǧan keŋ kölemdı körmenı tamaşalady.
Kezdesu barysynda aqyn eldık ūstanym, eŋbektıŋ qadırı, ruhani qūndylyqtar, tuǧan ölkenıŋ orny men ūlt tūlǧalarynyŋ taǧylymy turaly äserlı oi-tolǧamyn ortaǧa saldy. «Sary Tentek» atanǧan aqyn körermen sūraqtaryna jauap berıp, erkın pıkır almasu formatynda äŋgıme örbıttı.
Şara aiasynda Quanyş Maqsūtov Nūra öŋırınen şyqqan elge eŋbegı sıŋgen ardager tūlǧalarǧa oblys äkımınıŋ qoldauymen jaryq körgen jaŋa kıtabyn tartu ettı. Alqa-qotan qazaqy dästürde ötken būl keş audannyŋ mädeni ömırındegı maŋyzdy ruhani oqiǧalardyŋ bırıne ainaldy.
Keş qonaqtaryna audannyŋ önerpazdary – änşı Amangeldı Şaharbaev, küişıler Nūrsūltan Esenov pen Qairat Jaqyp ūlttyq önerdıŋ ozyq tuyndylaryn ūsynyp, şaranyŋ sänın keltırdı.
Kezdesu soŋynda Nūra audanynyŋ äkımı Baqytjan Mūqanov söz söilep, halyq atynan aqynǧa rizaşylyǧyn bıldırdı. Ol Quanyş Maqsūtovtyŋ şyǧarmaşylyǧy men jobasynyŋ Jaŋa Qazaqstandy qalyptastyrudaǧy maŋyzyn atap ötıp, dästür boiynşa iyǧyna şapan jauyp, audan äkımınıŋ qūttyqtau hatyn tabystady.
El bırlıgın, adal eŋbektı jäne ūlttyq ruhty därıptegen mazmūndy keş nūralyq körermennıŋ jüregınen erekşe oryn aldy.
