Bülıkten keiın Prigojin Putinmen kezdesken be? Kremlde me, köşede me?

Resei prezidentı Putin bülıkten keiın Evgenii Prigojinmen jäne onyŋ komandirlerımen kezdestı,  habarlaidy “Adyrna” Libération gazetıne sılteme jasap.  Şıldenıŋ 10-y künı äleumettık jelılerde “Vagner” JÄK basşysy Evgenii Prigojin men Resei Federasiiasynyŋ basşysy Vladimir Putinnıŋ kezdeskenı turaly aqparat tarady. Soŋynan būl mälımettı prezidenttıŋ baspasöz hatşysy Peskov te rastauǧa mäjbür boldy. "Prezidenttıŋ kezdesuı öttı, oǧan 35 adamdy şaqyryldy. Barlyq otriad komandirlerı men rota basşylyǧy boldy, onyŋ ışınde Prigojin de bar", - dedı ol. Kezdesu barysynda taraptar bülık nätijesın talqylaǧanǧa ūqsaidy. Hatşynyŋ sözınşe, Vladimir Putin älemde bolyp jatqan oqiǧaǧa «baǧa berıp», komandirlerdıŋ tüsınıktemelerın tyŋdaǧan: "Olar memleket basşysy men Joǧarǧy Bas qolbasşynyŋ tabandy jaqtastary men sarbazdary ekenın basa aitty, sonymen qatar Otan üşın kürestı jalǧastyruǧa daiyn ekendıkterın jetkızdı. Būl kezdesu turaly tek osyny aita alamyz", - dep tüiındedı sözın Peskov. Libération gazetınıŋ jariialauynşa Evgenii Prigojin 1 şıldede Kremlge arnaiy şaqyrylyp, onda Putinmen, sondai-aq Ūlttyq gvardiia basşysy Viktor Zolotovpen jäne Syrtqy barlau qyzmetınıŋ basşysy Sergei Naryşkinmen kezdesken. Kezdesuden basqa eşqandai aqparat jariialanbady.