2025 jylǧy 27 mamyrda Qaraǧandy qalasynda QAZPROPERTY kommersiialyq jyljymaityn mülık naryǧynyŋ qatysuşylary qauymdastyǧynyŋ ūiymdastyruymen ıskerlık kezdesu öttı. Kezdesudıŋ negızgı taqyryby – Assosiasiianyŋ damu keleşegı men Qaraǧandy oblysynyŋ biznes-qoǧamdastyǧymen dialogty nyǧaitu mäselelerı boldy.
Is-şaraǧa «Atameken» ŪKP öŋırlık palatasynyŋ ökılderı, developerler, kommersiialyq jyljymaityn mülık nysandarynyŋ ielerı men basqaruşylary, sondai-aq QAZPROPERTY qauymdastyǧynyŋ müşelerı men serıktesterı qatysty.
Qatysuşylar kommersiialyq jyljymaityn mülık naryǧynyŋ damuyna qatysty özektı mäselelerdı talqylady. Äsırese öŋırlık erekşelıkter, jahandyq ürdıster jäne tūraqty ärı käsıbi salany qalyptastyrudaǧy Assosiasiianyŋ strategiialyq rölı söz boldy. Sonymen qatar zaŋnamalyq retteu, memlekettık organdarmen özara ıs-qimyl jäne salanyŋ müddelerın ūlttyq deŋgeide ılgerıletu mäselelerıne erekşe nazar audaryldy.
Is-şara aiasynda Halyqaralyq kommersiialyq jyljymaityn mülık kongresıne daiyndyq barysy men şeteldık serıktestermen yntymaqtastyqtyŋ jaŋa formattary da talqylandy. Būdan bölek, qatysuşylar jyljymaityn mülık salasyndaǧy jūmysşy mamandyqtardy damytu jäne olardyŋ jastar arasyndaǧy tartymdylyǧyn arttyru şaralaryn söz ettı.
Kezdesu sūraq-jauap sessiiasymen jäne qatysuşylardyŋ täjıribe almasyp, jaŋa ıskerlık bailanystar ornatuyna mümkındık bergen beiresmi netvorkingpen aiaqtaldy.
QAZPROPERTY qauymdastyǧy memlekettık organdarmen tyǧyz bailanysta jūmysyn jalǧastyryp, normativtık-qūqyqtyq bazany jetıldıruge belsendı atsalysyp keledı. Sonymen qatar käsıbi standarttar men bılım beru bastamalaryn engızu arqyly aşyq, tūraqty jäne bäsekege qabılettı salany qalyptastyruǧa üles qosyp otyr.
Aimaqtyq dialogty jalǧastyru aiasynda Assosiasiia elımızdıŋ özge de öŋırlerınde osyndai ıs-şaralar ötkızudı josparlap otyr. Jaqyn uaqytta Qostanai oblysynda jergılıktı biznes-qoǧamdastyqpen jüzdesu közdelude.
