Būrynǧy küieuınıŋ qolynan qaza tapqan äieldıŋ tuystary öz ısıne nemqūraily qaraǧan poliseilerdı de jazalaudy sūraidy, dep habarlaidy "Adyrna" ūlttyq portaly.
Qaraǧandylyq Gülmira Taimasovanyŋ tuystary män-jaidy aşyp aitqan.
Marqūmnyŋ äpkesı Aigül Ömırzaqova ölım bolǧan künı tärtıp saqşylary küdıktını alyp ketkende qaiǧyly oqiǧanyŋ aldyn aluǧa bolatynyn aitady.
"Sol künı keşke äkesınıŋ anasyn ūryp jatqanyn körıp, ūly polisiia şaqyrdy. Polisiia qyzmetkerlerı keldı, marqūm būl adamnan 30 kün boiy qorǧaudy sūrap ötınış jazǧan. Bıraq olar ötınış jazdyryp alǧanymen, küieuın özderımen bırge alyp ketpedı. Sıŋılım özderımen alyp ketuın ötıngen. Polisiia ketkennen keiın ekı saǧattyŋ ışınde küieuı ony öltırdı. Ol sıŋılımdı ünemı ūryp-soǧyp, qorqytyp, balalardy şoşytyp ketetın. Qanşa şaǧym jazsa da bır de bır ret jazalanǧan joq. 2022 jyly men onyŋ ūryp-soǧyp jatqanyn körgenmın, sol kezde sıŋılımdı qoldaǧanym üşın menı qosa ūryp tastaǧan. Mūnyŋ bärı balalar men menıŋ qyzymnyŋ köz aldynda boldy. Sodan keiın men de onyŋ üstınen aryz jazdym. Ūryp-soqqan jerlerımdı dälel retınde körsettım. Bastapqyda ıstı sozyp jürdı, keiın toqtatyp tastady. Bız onymen tatulasqan joqpyz, bıraq ol jauapqa tartylǧan joq. Qazır bız prokuraturaǧa deiın baryp, äpkemızdı qorǧap qalmaǧanymyzǧa ökınemız", – deidı Aigül Ömırzaqova.Marqūm Gülmira Taimasova ashanada jūmys ıstese, onyŋ ölımıne küdıktı deptanylǧan eks-jūbaiy jük kölıgınıŋ jürgızuşısı bolǧan. Erlı-zaiyptylar 10 jyl būryn ajyrassa da bırge tūryp kelgen. Marqūmnyŋ anasy küieu balasynyŋ tüzeletınıne sengenın aitady.
"Men onyŋ qyzymdy ūratynyn bıletınmın. Bır kezderı bıraz uaqyt bızdıŋ qolymyzda tūrdy, sol kezde küieu balam tıptı menı de ūryp tastaǧan. Ol öte aşuşaŋ boldy. Men qyzymnan “Şydap jüre beresıŋ be” dep sūraǧanymda "Balalar ösıp keledı, özgeretın şyǧar. Olardy aiaqqa tūrǧyzu jalǧyz özıme qiyn bolady” deitın. Soŋǧy jyldary ekeuı ūrsyspasyn dep üiılerıne barudy qoidym. Onyŋ üstıne qyzym keiıngı kezde küieuınen qorqatynyn jiı aitatyn. Küieuı “Öltıremın” degen sözdı jiı aitty. Qyzymdy ǧana emes, balalardy da öltıremın dep qorqytatyn. Soŋǧy aida ol jūmysynan da şyǧyp qaldy, üide bos jatty. Üide jatyp ışıp, keşke deiın janjal şyǧarady. Sol künı keşke bır närse bolatynyn jüregım sezdı. Nemereme qoŋyrau şalyp edım, ol men uaiymdaidy dedı me, älde äkesı maǧan tiısedı dedı me eşteŋe aitpady", – dedı marqūmnyŋ anasy Rysbala Ömırzaqova.Marqūmnyŋ balalary qazır naǧaşylarynyŋ qolynda. Olarǧa arnaiy psiholog kömek körsetıp jatqany habarlandy.
Ūqsas jaŋalyqtar
