Temirtaý qalasy turǵyn úı-kommýnaldyq sharýashylyǵy bóliminiń eks-qyzmetkerine iri kólemde urlyq jasaǵany úshin halyqaralyq izdeý jarııalandy. Bul týraly eKaraganda.kz portaly jarııalady, dep habarlaıdy “Adyrna” ulttyq portaly.
Jelide Temirtaý TKSh bóliminiń burynǵy qyzmetkeri iri kólemde urlyq jasady dep kúdikke ilingeni týraly aqparat tarap jatyr.
Aqparatqa sáıkes, 2020 jyly jylý jelilerinde jóndeý jumystary bastalǵan kezde eski qubyrlar joǵalyp ketken. Alty shaqyrymǵa jetetin metall qubyrlar qoldy bolǵan.
Temirtaý TKSh bóliminiń burynǵy qyzmetkeri jóndeý kezinde Temirtaýdaǵy jylý trassasynan qubyrlardy urlady degen kúdikke ilindi. Urlyq faktisi anyqtalǵanda burynǵy sheneýnik bólimde jumys istemegen, - dep jazdy portal.
Sonymen qatar, urlyq týraly kúdik týyndaǵan kezde bul qyzmetker jumystan shyǵyp ketken. Al Qaraǵandy oblysynyń polıııa departamenti urlyq jasady degen kúdiktige halyqaralyq izdestirý jarııalanǵanyn rastap otyr.
Temirtaý qalasynyń 28 jastaǵy turǵynyna qatysty QR QK 188-babynyń 3-bóligi boıynsha "Iri kólemdegi urlyq" boıynsha qylmystyq is tirkeldi. Osy jyldyń shilde aıynyń basynda bul adamǵa halyqaralyq izdeý jarııalandy,- dep habarlady Qaraǵandy oblysy polıııa departamentiniń baspasóz qyzmeti.
