تەمىرتاۋ قالاسى تۇرعىن ءۇي-كوممۋنالدىق شارۋاشىلىعى ءبولىمىنىڭ ەكس-قىزمەتكەرىنە ءىرى كولەمدە ۇرلىق جاساعانى ءۇشىن حالىقارالىق ىزدەۋ جاريالاندى. بۇل تۋرالى eKaraganda.kz پورتالى جاريالادى، دەپ حابارلايدى “ادىرنا” ۇلتتىق پورتالى.
جەلىدە تەمىرتاۋ تكش ءبولىمىنىڭ بۇرىنعى قىزمەتكەرى ءىرى كولەمدە ۇرلىق جاسادى دەپ كۇدىككە ىلىنگەنى تۋرالى اقپارات تاراپ جاتىر.
اقپاراتقا سايكەس، 2020 جىلى جىلۋ جەلىلەرىندە جوندەۋ جۇمىستارى باستالعان كەزدە ەسكى قۇبىرلار جوعالىپ كەتكەن. التى شاقىرىمعا جەتەتىن مەتالل قۇبىرلار قولدى بولعان.
تەمىرتاۋ تكش ءبولىمىنىڭ بۇرىنعى قىزمەتكەرى جوندەۋ كەزىندە تەمىرتاۋداعى جىلۋ تراسساسىنان قۇبىرلاردى ۇرلادى دەگەن كۇدىككە ءىلىندى. ۇرلىق فاكتىسى انىقتالعاندا بۇرىنعى شەنەۋنىك بولىمدە جۇمىس ىستەمەگەن، - دەپ جازدى پورتال.
سونىمەن قاتار، ۇرلىق تۋرالى كۇدىك تۋىنداعان كەزدە بۇل قىزمەتكەر جۇمىستان شىعىپ كەتكەن. ال قاراعاندى وبلىسىنىڭ پوليتسيا دەپارتامەنتى ۇرلىق جاسادى دەگەن كۇدىكتىگە حالىقارالىق ىزدەستىرۋ جاريالانعانىن راستاپ وتىر.
تەمىرتاۋ قالاسىنىڭ 28 جاستاعى تۇرعىنىنا قاتىستى قر قك 188-بابىنىڭ 3-بولىگى بويىنشا ء"ىرى كولەمدەگى ۇرلىق" بويىنشا قىلمىستىق ءىس تىركەلدى. وسى جىلدىڭ شىلدە ايىنىڭ باسىندا بۇل ادامعا حالىقارالىق ىزدەۋ جاريالاندى،- دەپ حابارلادى قاراعاندى وبلىسى پوليتسيا دەپارتامەنتىنىڭ ءباسپاسوز قىزمەتى.
