قۇقىقتىق ستاتيستيكا جانە ارنايى ەسەپكە الۋ ورگاندارىنىڭ پورتالىندا قازاقستاندىق تانىمال بلوگەر يليار يۋۆاشەۆكە قاتىستى رەسمي ىزدەۋ جاريالانعانى تۋرالى اقپارات پايدا بولدى، دەپ حابارلايدى “ادىرنا”.
ىزدەستىرۋ تۋرالى ءىس 2026 جىلعى 27 ناۋرىزدا استانادا تىركەلگەن. ىزدەۋ سالعان ورگان – قارجىلىق مونيتورينگ اگەنتتىگى.
قازىرگى ۋاقىتتا بلوگەردى ىزدەستىرۋمەن استانا ەكونوميكالىق تەرگەپ-تەكسەرۋ دەپارتامەنتىنىڭ قىزمەتكەرلەرى اينالىسىپ جاتىر.
ەسكە سالايىق، بۇعان دەيىن 2024-2025 جىلدارى يۋۆاشەۆتىڭ Mellstroy سايتىمەن قوسا، ونلاين-كازينو جەلىسىن قۇرۋعا جانە باسقارۋعا قاتىسقانى حابارلانعان ەدى. قما مالىمەتىنشە، اقشا اعىنىن زاڭداستىرۋ ءۇشىن 22 جالعان كومپانيا تىركەلىپ، POS-تەرمينالدار مەن ەلەكتروندى تولەم قۇرالدارى پايدالانىلعان. سول ارقىلى ويىنشىلاردان 3,6 ملرد تەڭگەدەن استام قاراجات وتكەن.
قۇقىق قورعاۋ ورگاندارى ىزدەۋدە جۇرگەن ادامنىڭ ورنالاسقان جەرى تۋرالى كەز كەلگەن اقپاراتتى استانا بويىنشا ەكونوميكالىق تەرگەپ-تەكسەرۋ دەپارتامەنتىنە حابارلاۋدى سۇرايدى. اقپارات بەرگەندەرگە سىياقى مەن انونيمدىككە كەپىلدىك بەرىلەدى.
