Qūqyqtyq statistika jäne arnaiy esepke alu organdarynyŋ portalynda qazaqstandyq tanymal bloger İliar Iývaşevke qatysty resmi ızdeu jariialanǧany turaly aqparat paida boldy, dep habarlaidy “Adyrna”.
Izdestıru turaly ıs 2026 jylǧy 27 nauryzda Astanada tırkelgen. Izdeu salǧan organ – Qarjylyq monitoring agenttıgı.
Qazırgı uaqytta blogerdı ızdestırumen Astana ekonomikalyq tergep-tekseru departamentınıŋ qyzmetkerlerı ainalysyp jatyr.
Eske salaiyq, būǧan deiın 2024-2025 jyldary Iývaşevtıŋ Mellstroy saitymen qosa, onlain-kazino jelısın qūruǧa jäne basqaruǧa qatysqany habarlanǧan edı. QMA mälımetınşe, aqşa aǧynyn zaŋdastyru üşın 22 jalǧan kompaniia tırkelıp, POS-terminaldar men elektrondy tölem qūraldary paidalanylǧan. Sol arqyly oiynşylardan 3,6 mlrd teŋgeden astam qarajat ötken.
Qūqyq qorǧau organdary ızdeude jürgen adamnyŋ ornalasqan jerı turaly kez kelgen aqparatty Astana boiynşa ekonomikalyq tergep-tekseru departamentıne habarlaudy sūraidy. Aqparat bergenderge syiaqy men anonimdıkke kepıldık berıledı.
