قازاقستاننىڭ ۇلتتىق قاۋىپسىزدىك كوميتەتى (ۇقك) بەلگيالىق ينۆەستور فرەنك مونسترەيگە ىزدەۋ جاريالادى. بۇل تۋرالى قازاقستاننىڭ قۇقىقتىق ستاتيستيكا جانە ارنايى ەسەپكە الۋ ورگاندارىنىڭ پورتالىنداعى مونسترەيدىڭ ىزدەۋ كارتوچكاسىندا جازىلعان، دەپ حابارلايدى "ادىرنا".
«مونسترەي فرەنك دجوزەف. ەكى كۇننەن بەرى ىزدەۋدە. تۋعان كۇنى: 22 ءساۋىر 1965 جىل، جىنىسى: ەر، شەتەل ازاماتى، وزگە ۇلت وكىلى. 2026 جىلعى 20 مامىرداعى ىزدەستىرۋ ءىسى «استانا» وڭىرىندە تىركەلگەن. باستاماشى: قر ۇقك. ىزدەۋ سالۋشى ورگان: قر ۇقك سىبايلاس جەمقورلىققا قارسى ءىس-قيمىل قىزمەتى»، - دەلىنگەن حابارلامادا.
مونسترەي 2010 جىلى مۇناي مەن گاز كوندەنساتى كەن ورىندارىن بارلاۋ جانە يگەرۋمەن اينالىساتىن Zhaikmunai كومپانياسىنىڭ 40,5% ۇلەسىنە يەلىك ەتكەن، سونداي-اق، Nostrum Oil كومپانياسى اكتسيونەرلەرىنىڭ ءبىرى بولعان.
