فوتو جي كومەگىمەن جاسالدى
التىن قۇيمانى زاڭسىز ساتپاق بولعان قىرعىزستاندىق ۇستالدى، دەپ حابارلايدى “ادىرنا”.
تەرگەۋ دەرەكتەرىنە سايكەس، قىرعىزستان ازاماتى التىن قۇيمالاردى ءوز ەلىندە ساتىپ الىپ، قىتايعا زاڭسىز وتكىزۋ ماقساتىندا ولاردى «قورداي اۆتو» وتكىزۋ پۋنكتى ارقىلى قازاقستانعا الىپ كىرگەن.
كەدەندىك جانە شەكارالىق باقىلاۋدان جاسىرۋ ءۇشىن ول ءۇش التىن قۇيمانى اياق كيىمىنىڭ ۇلتاراعىنىڭ استىنا جاسىرعان. كەيىن «قورعاس» حالىقارالىق شەكارا ماڭى ىنتىماقتاستىعى ورتالىعىندا باقىلاۋ كەزىندە التىن انىقتالىپ، تاركىلەندى.
سوت 2,8 كەلى بولاتىن التى التىن قۇيمانى سوتقا دەيىن تاركىلەۋ تۋرالى شەشىم شىعاردى. التىننىڭ سىناماسى 99 پايىزدان اسادى، ال جالپى قۇنى 182,3 ملن تەڭگەگە باعالانعان.
بۇل تۋرالى باس كولىك پروكۋراتۋراسى حابارلادى.
پروكۋراتۋرانىڭ مالىمەتىنشە، تاركىلەنگەن التىن مەملەكەت كىرىسىنە وتكىزىلدى. سوت قاۋلىسى زاڭدى كۇشىنە ەندى.
قازىر دەيىنگى تەرگەپ-تەكسەرۋ جالعاسىپ جاتىر.
