ءباا قوستاناي وبلىسىنداعى ورماندى قالپىنا كەلتىرۋگە 1 ميلليون دوللار ءبولدى

2013
Adyrna.kz Telegram
فوتو: t.me/KZgovernment
فوتو: t.me/KZgovernment

قر پرەمەر-ءمينيسترى ءاليحان سمايىلوۆ بىرىككەن اراب امىرلىكتەرىنە رەسمي ساپارى اياسىندا ء"ال-باحر" سارايىندا ءباا پرەزيدەنتى شەيح مۇحاممەد بەن زايد ءال ناحايانمەن كەزدەستى. بۇل تۋرالى ۇكىمەتتىڭ رەسمي سايتى جاريالادى، دەپ حابارلايدى “ادىرنا” ۇلتتىق پورتالى.

پرەمەر-ءمينيستردىڭ ايتۋىنشا،  بيىل ەكى ەل اراسىنداعى ديپلوماتيالىق قاتىناستاردىڭ ورناعانىنا 30 جىل تولىپ وتىر. سونداي-اق، وسى ۋاقىت ىشىندە ديپلوماتيالىق قاتىناستار ستراتەگيالىق سەرىكتەستىك دەڭگەيىنە كوتەرىلدى.

ء"بىز ءوزارا قىزىعۋشىلىق تۋدىراتىن ەكونوميكانىڭ بارلىق سالالارىندا كەڭ اۋقىمدى ىنتىماقتاستىقتى ودان ءارى نىعايتۋعا نيەتتىمىز. سونداي-اق بىرىككەن اراب امىرلىكتەرىنە قازاقستاننىڭ حالىقارالىق باستامالارىن ءاردايىم تۇراقتى تۇردە قولداپ وتىرعانى ءۇشىن العىس ايتامىز", - دەدى ءاليحان سمايىلوۆ.

پرەمەر-مينيستر سوڭعى جىلدارى ءتۇرلى سالالارداعى بىرلەسكەن جوبالار سانىنىڭ ءوسۋى بايقالىپ وتىرعانىن دا ايتتى.

"ينۆەستيتسيالىق ىنتىماقتاستىقتى ودان ءارى ارتتىرۋ جانە تەرەڭدەتۋ ءۇشىن ايتارلىقتاي الەۋەت بار. ۇكىمەت ينۆەستورلارعا ولاردىڭ باستامالارىن ىسكە اسىرۋدا جان-جاقتى قولداۋ كورسەتۋگە ءازىر. جاقىن ارادا ءبىز جاڭا بىرلەسكەن جوبالاردى ىسكە قوسامىز دەپ ۇمىتتەنەمىن", - دەدى ءاليحان سمايىلوۆ.

ودان بولەك، ول ءباا پرەزيدەنتىنە قوستاناي وبلىسىنداعى ورماندى قالپىنا كەلتىرۋ جۇمىستارىنا 1 ميلليون دوللار كولەمىندە كومەك كورسەتكەنى ءۇشىن العىس ايتتى.

شەيح مۇحاممەد بەن زايد ءال ناحايان قازاقستان مەن بىرىككەن اراب امىرلىكتەرىن ەرەكشە دوستىق قاتىناستار بايلانىستىراتىنىن اتاپ ءوتتى.

"مەن ەكىجاقتى ىنتىماقتاستىقتىڭ بارلىق باعىتتارىن تولىق قولدايمىن", - دەپ اتاپ وتكەن ءباا پرەزيدەنتى قازاقستان پرەزيدەنتى قاسىم-جومارت توقاەۆقا ىستىق ىقىلاسى مەن شىنايى تىلەگىن جەتكىزدى.

”ادىرنا” ۇلتتىق پورتالى 

پىكىرلەر