BAÁ Qostanaı oblysyndaǵy ormandy qalpyna keltirýge 1 mıllıon dollar bóldi

723
Foto: t.me/KZgovernment
Foto: t.me/KZgovernment

QR premer-mınıstri Álıhan Smaıylov Birikken Arab Ámirlikterine resmı sapary aıasynda "Ál-Bahr" saraıynda BAÁ Prezıdenti sheıh Muhammed ben Zaıd Ál Nahaıanmen kezdesti. Bul týraly Úkimettiń resmı saıty jarııalady, dep habarlaıdy “Adyrna” ulttyq portaly.

Premer-mınıstrdiń aıtýynsha,  bıyl eki el arasyndaǵy dıplomatııalyq qatynastardyń ornaǵanyna 30 jyl tolyp otyr. Sondaı-aq, osy ýaqyt ishinde dıplomatııalyq qatynastar strategııalyq seriktestik deńgeıine kóterildi.

"Biz ózara qyzyǵýshylyq týdyratyn ekonomıkanyń barlyq salalarynda keń aýqymdy yntymaqtastyqty odan ári nyǵaıtýǵa nıettimiz. Sondaı-aq Birikken Arab Ámirlikterine Qazaqstannyń halyqaralyq bastamalaryn árdaıym turaqty túrde qoldap otyrǵany úshin alǵys aıtamyz", - dedi Álıhan Smaıylov.

Premer-mınıstr sońǵy jyldary túrli salalardaǵy birlesken jobalar sanynyń ósýi baıqalyp otyrǵanyn da aıtty.

"Investıııalyq yntymaqtastyqty odan ári arttyrý jáne tereńdetý úshin aıtarlyqtaı áleýet bar. Úkimet ınvestorlarǵa olardyń bastamalaryn iske asyrýda jan-jaqty qoldaý kórsetýge ázir. Jaqyn arada biz jańa birlesken jobalardy iske qosamyz dep úmittenemin", - dedi Álıhan Smaıylov.

Odan bólek, ol BAÁ Prezıdentine Qostanaı oblysyndaǵy ormandy qalpyna keltirý jumystaryna 1 mıllıon dollar kóleminde kómek kórsetkeni úshin alǵys aıtty.

Sheıh Muhammed ben Zaıd Ál Nahaıan Qazaqstan men Birikken Arab Ámirlikterin erekshe dostyq qatynastar baılanystyratynyn atap ótti.

"Men ekijaqty yntymaqtastyqtyń barlyq baǵyttaryn tolyq qoldaımyn", - dep atap ótken BAÁ Prezıdenti Qazaqstan Prezıdenti Qasym-Jomart Toqaevqa ystyq yqylasy men shynaıy tilegin jetkizdi.

”Adyrna” ulttyq portaly 

Pikirler
Uqsas jańalyqtar