QR premer-ministrı Älihan Smaiylov Bırıkken Arab Ämırlıkterıne resmi sapary aiasynda "Äl-Bahr" saraiynda BAÄ Prezidentı şeih Mūhammed ben Zaid Äl Nahaianmen kezdestı. Būl turaly Ükımettıŋ resmi saity jariialady, dep habarlaidy “Adyrna” ūlttyq portaly.
Premer-ministrdıŋ aituynşa, biyl ekı el arasyndaǧy diplomatiialyq qatynastardyŋ ornaǧanyna 30 jyl tolyp otyr. Sondai-aq, osy uaqyt ışınde diplomatiialyq qatynastar strategiialyq serıktestık deŋgeiıne köterıldı.
"Bız özara qyzyǧuşylyq tudyratyn ekonomikanyŋ barlyq salalarynda keŋ auqymdy yntymaqtastyqty odan ärı nyǧaituǧa niettımız. Sondai-aq Bırıkken Arab Ämırlıkterıne Qazaqstannyŋ halyqaralyq bastamalaryn ärdaiym tūraqty türde qoldap otyrǧany üşın alǧys aitamyz", - dedı Älihan Smaiylov.Premer-ministr soŋǧy jyldary türlı salalardaǧy bırlesken jobalar sanynyŋ ösuı baiqalyp otyrǧanyn da aitty.
"İnvestisiialyq yntymaqtastyqty odan ärı arttyru jäne tereŋdetu üşın aitarlyqtai äleuet bar. Ükımet investorlarǧa olardyŋ bastamalaryn ıske asyruda jan-jaqty qoldau körsetuge äzır. Jaqyn arada bız jaŋa bırlesken jobalardy ıske qosamyz dep ümıttenemın", - dedı Älihan Smaiylov.Odan bölek, ol BAÄ Prezidentıne Qostanai oblysyndaǧy ormandy qalpyna keltıru jūmystaryna 1 million dollar kölemınde kömek körsetkenı üşın alǧys aitty. Şeih Mūhammed ben Zaid Äl Nahaian Qazaqstan men Bırıkken Arab Ämırlıkterın erekşe dostyq qatynastar bailanystyratynyn atap öttı.
"Men ekıjaqty yntymaqtastyqtyŋ barlyq baǧyttaryn tolyq qoldaimyn", - dep atap ötken BAÄ Prezidentı Qazaqstan Prezidentı Qasym-Jomart Toqaevqa ystyq yqylasy men şynaiy tılegın jetkızdı.
”Adyrna” ūlttyq portaly
Ūqsas jaŋalyqtar
