Almaty qalasynda oralasqan "Dinara" kafesıne qatysty şu şyqqany belgılı. Keiın qazaqşa mäzır sūraǧandarǧa "nasist, faşistsıŋ" degen qyzmetker miyǧynan külıp otyryp, keşırım sūraǧan boldy. Şyndyǧynda, keşırım sūramapty. Qazaqtarǧa dörekılık älı jalǧasyp jatyr. Būl jaidy jurnalist Bella Orynbetova keŋınen jazdy. Avtordyŋ aituynşa, kafege barǧan qazaqtarǧa dörekılık älı körsetılıp jatyr, dep habarlaidy "Adyrna" ūlttyq portaly.
Jurnalist Bella Orynbetova qazaq tılınıŋ qysym körgenıne qatysty keŋınen jazdy:
- Jaǧdaidyŋ qalai bolǧanyn qysqaşa aityp öteiın... Aigerim Kussaiynkyzy, Kamila Muller, Ainūr Sadyrbai jäne taǧy bırneşe adam Dinara kafesıne barady. Qazaqşa mäzır sūraǧany üşın administratory faşister, nasister, ketıŋder äitpese qazır polisiia şaqyramyn dep qorqytady. Söitıp bırneşe minuttan soŋ qaru asynǧan küzet qyzmetı (GBR jeke küzet qyzmetı) keledı. Kafe äkımşılıgı bır top adam şu şyǧaryp, maŋyzdy, qadırlı qonaqtardyŋ şyrqyn būzdy degen eken. Kafe qyzmetkerlerınıŋ būl äreketı Äigerımderdı odan ärı aşulandyrady. Olar özderınıŋ tūtynuşy, Qazaqstan Azamaty qūqyǧynyŋ būzylǧanyna bailanysty Almaly audanynyŋ uchaskelık polisiiasyn şaqyrady. Polisiia kelgen soŋ QR Qylmystyq Kodeksinıŋ 174-babyndaǧy äleumettik, ūlttyq, rulyq, näsildik, tektık-toptyq nemese dini alauyzdyqty qozdyru faktısı boiynşa aryz jazyp, qylmystyq ıs qozǧaiyn sūraidy.
Degenmen qazaq tılıne kül şaşyp jatqanda qūqyq qorǧau organdaǧy "qaǧanaǧy qaryq, saǧanaǧy saryq" bolyp otyra beredı. Jurnalist būǧan qatysty būlai deidı:
- Alaida keiın 6 künı polisiia departamentınen hat kelıp, qylmystyq ıs qozǧauǧa negız joq deidı. Iаǧni polisiia "faşist, nasist" sözderınen eş qorlyq körmegen, qylmystyq qūram joq dep tanyǧan. 6 aqpan künı Ainūr Sadyrbaeva QR Qylmystyq kodeksınıŋ 145-baby adamnyŋ jäne azamattyŋ teŋ qūqyqtylyǧyn būzu boiynşa taǧy da polisiia departamentıne aryz jazady. Jauap köp küttırmeidı. Taǧy da qylmystyq ıs qozǧauǧa negız joq.Qazaq tılınde qyzmet körsetuın sūraǧan belsendılerge, qylmystyq emes, äkımşılık ıs boiynşa şaǧym jaza alasyzdar degen eken polisiia departamentınde. Qazaq tılınde qyzmet körsetpegen, konstitusiialyq qūqyn talap etkenderdı faşist dep qorlaǧandar nege jazasyz qaluy kerek? Oqiǧa bolǧan künı 2GIS –te eluden astam adam Dinara kafesıne qatysty negativ pıkırın jazdy, tıptı körşı üstelde otyrǧan orys kelınşek te jaǧdaidy öz közımen körıp, adamdardy diskriminasiialaityn kafege endı kelmeimın pıkır qaldyrǧan eken. 2GIS moderatorlary typ-tipyl etıptı. Būl jaǧdaida qoǧamdaǧy ädılet, tärtıp, zaŋnyŋ kepılı bolatyn organdar mız baqpasa, qoǧam bolyp būl jaǧdaidyŋ qaitalanbauyna yqpal etuımız kerek.
Söz soŋynda avtor bügıngı "Dinaranyŋ" keşegı "Dinara" kafesınıŋ ūstanymynan synyq süiem alǧa baspaǧanyn, qazaqqa dörekılık tanytuyn jalǧastyryp jatqanyn jazady. Keşırım sūraǧanyn közboiauşy jalǧandyqqa balap:
- Oqiǧa bolǧan soŋ kafe administratorynyŋ keşırım sūraǧan videosy (kımnen sūraǧany belgısız, kafenıŋ qūrmettı qonaqtary ma, älde özı balaǧattaǧan adamdardan ba tüsınıksız) tarady. Alaida "Dinara" kafesıne baryp jatqan tanystarymyz qazaqşa mäzırdıŋ älı joq ekenın, qazaqşa mäzır sūraǧanda qyzmetkerler dörekı jauap berıp jatqanyn aitady, - dedı Bella Orynbetova.
"Adyrna" ūlttyq portaly
Ūqsas jaŋalyqtar
Qazaqstan
Almaty
Qazaq tılı
qūqyq qorǧau organdary
qazaqşa mäzır
dinara kafesı
mahatmagandi
dinara kafe qazaq tılıl
