5 qaraşada Gonkong soty demokratiialyq qozǧalys belsendısı Djoşua Vongty şeteldık küştermen söz bailasty degen aiyppen taǧy 10 jylǧa bas bostandyǧynan aiyrdy. 2024 jyly ol Gonkong tarihyndaǧy ūlttyq qauıpsızdıkke qatysty eŋ ırı sot prosesı aiasynda «memlekettık bilıktı qūlatuǧa ärekettendı» degen aiyppen sottalǧan ondaǧan belsendınıŋ qatarynda bolǧan, dep habarlaidy «Adyrna» tılşısı.
Djoşua Vongtyŋ qylmystyq qudalanuy
Djoşua Vong – Gonkongtegı demokratiialyq narazylyq qozǧalysynyŋ eŋ tanymal ökılderınıŋ bırı. Ol türmede alty jylǧa juyq uaqyt ötkızgen. 2024 jyly belsendı «memlekettık bilıktı qūlatuǧa ärekettendı» degen aiyppen 4 jyl 8 aiǧa sottalǧan. Jazasyn ötep jatqan kezde oǧan qatysty «şeteldık küştermen söz bailasty» degen jaŋa qylmystyq ıs qozǧalǧan. 2026 jyldyŋ qyrküiegınde Vong öz kınäsın moiyndaǧan.
London universitetınıŋ SOAS janyndaǧy Qytai institutynyŋ direktory Stiv Sang AFP agenttıgıne bergen sūhbatynda Vongqa şyǧarylǧan jaŋa ükım Beijıŋnıŋ «Gonkongtı qataŋ baqylauda ūstaitynyn jäne 2019 jylǧa deiın qalada bolǧan neǧūrlym liberaldy ahualǧa qaita oraluǧa mümkındık bermeitının» körsetuge baǧyttalǧanyn aitqan.
Gonkongtegı narazylyq şerulerı
2019–2020 jyldary Gonkongte avtonomiialyq aimaqta Beijıŋ yqpalynyŋ küşeiuıne jäne tūrǧyndardyŋ azamattyq bostandyqtaryn şekteitın şeşımderdıŋ qabyldanuyna qarsy jappai narazylyqtar ötken. Şerulerdıŋ soŋy köşedegı tärtıpsızdıkter men polisiiamen qaqtyǧystarǧa ūlasqan.
Osy narazylyqtar aiasynda 2020 jyldyŋ mausym aiynyŋ soŋynda Bükılqytailyq halyq ökılderı jinalysy Tūraqty komitetı Gonkongtıŋ ūlttyq qauıpsızdıgı turaly zaŋ qabyldaǧan. Qūjatta separatistık äreketter üşın qylmystyq jauapkerşılık qarastyrylǧan.
